«Jumyspen qamtý jol kartasy» baǵdarlamasynyń arqasynda Kegen aýdany Uzynbulaq aýylynyń turǵyndary úshin kúrdeli jóndeýden ótkizilip, qaıta jańǵyrtylǵan «Aqbastaý» mádenıet úıi esigin aıqara ashty. Bul aýyldyqtarǵa jańa jyldyq kóńil kúı syılaǵan jaǵymdy jańalyq boldy, – dep habarlaıdy Almaty oblysy ákiminiń baspasóz qyzmeti.

Ótken jyly Kegen aýdanynda eki mádenıet úıi kúrdeli jóndeýden ótkizildi. Sonyń biri – osy «Aqbastaý» mádenıet úıi. Nysannyń saltanatty ashylýyna arnaıy qatysqan aýdan ákimi Talǵat Baıedilov aýyl turǵyndaryn qýanyshtarymen quttyqtap, óner shańyraǵyna zamanaýı dybys kúsheıtkish apparatyn syıǵa tartty. Sondaı-aq aldaǵy ýaqytta kerekti qural-jabdyqtardy alýǵa  qosymsha qarajat bólinetinin aıtty.

Aýyldyq aqsaqaldar alqasynyń tóraǵasy Marat Taqabaev mádenıet úıine kúrdeli jóndeý júrgizgen merdiger mekeme «Energo Stroı Proekt» JSHS-niń dırektory Seıitjan Jumahanovqa turǵyndardyń alǵysyn jetkizdi.

Atap ótsek, «Aqbastaý» mádenıet úıi «Jumyspen qamtý jol kartasy» negizinde kúrdeli jóndeýden ótkizildi. Qaıta jańǵyrtýǵa 307,7 mln teńge bólingen, qurylysty júrgizgen – «Energo Stroı Proekt» JSHS. Ǵımaratta bı zaly, boks zaly, sport zal, sahnasy bezendirilgen úlken májilis zaly, kitaphana bar.

Jalpy Almaty oblysynda 2020 jyly «Jumyspen qamtý jol kartasy» aıasynda 14 mádenıet úıine jaıta jańǵyrtý jasalǵan, sonyń 2-eýi – Kegen aýdanynda (Uzynbulaq, Tasashy aýyldary).