QR Kásipodaqtar Federatsiiasynyń ortalyq keńsesinde Bas keńestiń otyrysy ótti. Onda 2023 jyly QRKF men onyń múshelik uiymdarynyń Qaýipsiz eńbek jyly aiasynda ótkizilgen qyzmetiniń qorytyndylary shyǵaryldy, – dep habarlaidy Dalanews.kz.
QRKF múshelik uiymdary Qaýipsiz eńbek jylyn ótkizý sheńberinde óz qyzmetin jaraqattaný deńgeiin, óndiristegi jazataiym oqiǵalardy tómendetý jáne qaýipsiz eńbek jaǵdailaryn jaqsartý jáne qyzmetkerlerdiń densaýlyǵyn qorǵaý jóninde sharalar qabyldaýǵa baǵyttady.
Esepti jyl ishinde Kásipodaqtar federatsiiasy 2030 jylǵa deiin QR-da Qaýipsiz eńbek tujyrymdamasyn ázirleýge tikelei qatysty. QRKF-nan jobaǵa 20-dan astam usynys engizildi, olardyń bir bóligi 2023 jylǵy 26 jeltoqsanda Úkimet bekitken tujyrymdamany iske asyrý jónindegi Is-sharalar josparynda da kórinis tapty.
QR Kásipodaqtar federatsiiasynyń tóraǵasy Satybaldy Dáýletalin elimizdegi áleýmettik-eńbek qatynastaryn retteýdiń negizgi quraldarynyń biri retinde Úkimet, respýblikalyq qyzmetkerler birlestikteri jáne respýblikalyq jumys berýshiler birlestikteri arasyndaǵy áleýmettik áriptestikti atady.
Áleýmettik áriptestik institýtynyń respýblikalyq deńgeidegi ýákiletti organy áleýmettik áriptestik, áleýmettik-ekonomikalyq jáne eńbek qatynastaryn retteý jónindegi Respýblikalyq úshjaqty komissiia (RÚK) bolyp tabylady. Bul fýnktsiiany salalar deńgeiinde Salalyq úshjaqty komissiialar, óńirlik deńgeide – oblystyq komissiialar júzege asyrady.
Ótken jyldy qorytyndylai kele, QRKF tóraǵasy Satybaldy Dáýletalin Bas Keńes múshelerine Federatsiianyń norma shyǵarý qyzmeti týraly da aityp berdi. 2023 jyly QRKF Vedomstvoaralyq komissiialar sheńberinde 33 zań jobasyn qaraýǵa qatysty.
Máselen, «Qazaqstan Respýblikasynyń keibir zańnamalyq aktilerine eńbek daýlary men janjaldaryn sheshý tártibin ońailatý máseleleri boiynsha ózgerister men tolyqtyrýlar engizý týraly» QR Zańyna Kásipodaqtar federatsiiasy sheshim qabyldaý úshin qajetti qyzmetker daýystarynyń sany 2/3-den 1/2-ge deiin,eńbek tóreligin qurý jáne sheshim qabyldaý boiynsha merzimder 5 jumys kúnine qysqartyldy, sany 50 adamnan aspaityn «bir saǵattyq eskertý ereýilin» ótkizý quqyǵy engizildi.
Sondai-aq, QR Kásipodaqtar federatsiiasynyń usynysy boiynsha ótken jyly qabyldanǵan Áleýmettik kodekske eńbekke ýaqytsha jaramsyzdyq boiynsha járdemaqy mólsherin 25 AEK-ke deiin ulǵaitý týraly tarmaqtar engizildi jáne platformalyq jumyspen qamtý bóliginde másele retteldi.2023 jyldyń 21 jeltoqsanynda Eńbek jaǵdailary ziiandy jumystarda isteitin adamdardy áleýmettik qorǵaý týraly Zańǵa qol qoiyldy. 55 jasqa tolǵan adamdarǵa arnaiy áleýmettik tólem engizildi (keminde 84 ai zeinetaqy jarnalary bolǵan jáne eńbek qyzmeti toqtatylǵan jaǵdaida).
QR Kásipodaqtar federatsiiasy Bas keńesiniń músheleri men halyqaralyq yntymaqtastyqty damytý boiynsha QRKF júrgizip jatqan jumystar nazardan tys qalmady. Federatsiianyń halyqaralyq arenadaǵy maqsatty qyzmeti sońǵy tórt jylda halyqaralyq kásipodaq qoǵamdastyǵynda QR Kásipodaqtar federatsiiasynyń oń imidjin qalyptastyrýǵa, sondai-aq Halyqaralyq eńbek uiymymen (HEU), Halyqaralyq kásipodaqtar konfederatsiiasymen (HKK) jáne sheteldik kásipodaq ortalyqtarymen syndarly dialog pen uzaq merzimdi yntymaqtastyqty jolǵa qoiýǵa múmkindik berdi.
2023 jyly federatsiia men aýmaqtyq birlestikter 47 myńǵa jýyq kásipodaq múshelerin qamtityn túrli formattaǵy 721 oqytý seminaryn ótkizdi. «Bilim berý marafony», Kásipodaq kóshbasshysy mektebi, «Kásipodaq desanty» jáne «Quqyqtyq jalpyǵa birdei oqytý» oqytý jobalary aǵymdaǵy jyly da jalǵasatyn bolady.
Kásipodaq ideologiiasynyń basym quramdas bólikteriniń biri QRKF basshysy kásipodaqtardyń jastar saiasatyn atady. Búginde jastardyń kásipodaqtardaǵy ókildigi 25%-dy quraidy. Ár óńirde «Keleshek» jastar keńesi jumys isteidi. Ótken jyly kásipodaqtardyń jas músheleriniń qatysýymen ótken is-sharalarǵa 8 myń jas qazaqstandyq qatysty. «Keleshek» jastar keńesiniń eriktileri úlken jumys atqarýda. «Kásipodaq kómektesedi», «Mektepke jol», «Igi ister marafony» aktsiialary boiynsha demeýshilerdi tarta otyryp, 33 mln.teńgeden astam kóleminde úsh myń otbasyna materialdyq qoldaý kórsetildi.Jastar keńesi biyl kásipodaq jastary úshin «Qysqy lager» ótkizýdi josparlap otyr. Sonymen qatar «Kóshbasshylar sherýi» konkýrsy ótkizý josparlanyp otyr.
«Aǵymdaǵy jyly biz áleýmettik áriptestermen birlesip, Qazaqstanda laiyqty eńbek standarttaryn belsendi túrde ilgeriletýimiz kerek, mysaly, eńbek salasyndaǵy negizgi qaǵidattar men quqyqtardy iske asyrý maqsatynda eldegi áleýmettik áriptestikti nyǵaitý; laiyqty jumyspen qamtý múmkindikterin keńeitý; eńbek jaǵdailary men áleýmettik qorǵaýdy jaqsartý siiaqty negizgi baǵyttarǵa basa nazar aýdarýymyz kerek. Osyǵan bailanysty biylǵy jyldy Laiyqty eńbek jyly dep jariialaýdy usynamyn», - dedi Kásipodaqtar federatsiiasynyń tóraǵasy.
Aldaǵy kezeńge arnalǵan kásipodaqtardyń aldynda turǵan negizgi mindetterdiń qatarynda Satybaldy Dáýletalin HEU-men birlesip Laiyqty eńbektiń ulttyq baǵdarlamasyn qabyldaýdy atap ótti.
