Keshe reseılik fýtbol bapkeriniń qazaqstandyq tóreshige til tıgizip, balaǵattaǵany qoǵamda qyzý talqylanǵan bolatyn, dep habarlaıdy Dalanews.kz.
Endi oǵan Qazaqstanǵa kirýge tyıym salynýy múmkin.
Aıta keteıik, bul oqıǵa SD Family áýesqoı komandasy men reseılik 2Drots klýby arasyndaǵy Media Football League machynda oryn alǵan edi.
2Drots komandasynyń jattyqtyrýshysy Dmıtrıı Kýznesov tóreshilerdiń birin «Chýkcha» dep atap, qazaq ultyn keleke qylǵan.
Saıasattanýshy Ǵazız Ábishev Kýznesovty Qazaqstanǵa kirýge tyıym salýǵa shaqyryp, «Eger reseılik bapkerdi osylaı qorlaǵan bolsa, Keosán, Sımonán, Kandelakı jáne basqa da orys halqynyń qorǵaýshylary rýsofobtardy jerden alyp, kórge tyǵar edi» dep atap ótti.
