«Halyq Toqaevtyń tulǵasyna senedi», – deidi búginderi «Bolashaq» baǵdarlamasymen AQSh-ta bilim alatyn Álibek myrza.
Dalanews-tyń «Prezidenttiń kadrlyq rezervi saiasatqa qashannan bastap belsendi aralasa bastaidy?» degen saýalyna jaýap bergen sarapshy Qazaqstan ideologiiasyn jasap, strategiiasyn júrgizip otyrǵan azamattar taǵy bir Qańtar oqiǵasy qaitalanbaýy úshin jumys isteýi kerek dep paiymdaidy.
«Siz menen kadrlyq rezerv daǵdarysynan alyp shyǵýdyń potentsialy bar ma dep surap otyrsyz ǵoi. Jasyryp keregi joq, halyqty qymbatshylyq qysyp barady.
Nesin jasyraiyq, osy kúnge deiingi ideologiiada kemshilik kóp boldy. Búginderi jurt Qasym-Jomart Toqaevtyń tulǵasyna senedi. Qazaq Toqaevtyń tazalyǵyna, diplomattyǵyna, kásibiligine ǵana úmit artyp otyr. Barlyq qiyndyqtan Toqaev alyp shyǵady dep biledi.
Memleket basshysy úkimetke qanshama tapsyrma berdi. Úkimet halyqty daǵdarystan alyp shyǵýǵa qaýqarsyz bolyp otyr. Muny túneýkúngi jiynda Toqaev ta ózi de nazarǵa alǵan. Úkimetke jumys isteitin adam kerek. Ol qazaq tildi, qazaqtyń joǵyn túsinetin, tájiribeli, batyl, minezdi adam bolsa, qandai daǵdarys bolsa da shesher edi. Prezident úkimetke ǵana emes, óziniń ainalasyna da sondai adamdardy toptastyrsa, kóp dúnie jasaýǵa bolady», – deidi Álibek Ydyrysuly.
Onyń aitýynsha Toqaevtyń biligine jańa azamattar kerek. Sonyń ishinde prezidenttik kadrlyq rezervke engen azamattar Jańa Qazaqstannyń qabyrǵasyn qalaýǵa ázir.
«Tek múmkindik berý kerek olarǵa. Kóke-tátege bailanǵan júieden qutylmai, eshnárse ózgermeidi. Halyq jaqsy ómirden úmitti. Rezervtegi kadrlar memlekettik saiasattaǵy olqylyqtardy kórip jáne sony túzegisi keledi. Bizderdiń prezidenttiń bir jaǵyna shyǵysatyn potentsialymyz mol», – deidi Álibek Ydyrysuly.
Onyń atap ótkenindei rezervtegi azamattardyń biliktiligi óte joǵary. Bári súzgiden ótken, synalǵan, shetelde oqyǵan, tańdalǵan azamattar.
"Álihan Bókeihanov «Ultqa qyzmet etý bilimnen emes, minezden» deidi. Búgingi saiasi qoǵamdyq-jaǵdailar ultqa, memleketke qyzmet etemin degen mamannan minez kútedi.
Alash arystary 1 ǵasyr buryn ómir súrdi. Qazirgi biz siiaqty jaqsy ómir kórgen joq, jaqsy jerde bilim alǵan joq. Biraq bári qazaqqa qaltqysyz qyzmet qyldy. Minezden degen sol. Áitpese, Bókeihanovtyń eýropa asyp ketýge shamasy jetpedi deisiz be? Biraq ondaiǵa sanaly túrde barǵan joq. Baitursynuly da solai. Ultqa qyzmet etýdiń úlgisi sol alash arystary", – deidi.
Álibek myrzanyń pikirinshe, halyqqa Jańa Qazaqstannyń kontseptsiiasyn jasap, usyný qajet. Prezidenttik kadrlyq rezervine engen azamattar bul iske atsalysýǵa ázir.
"Mysaly, men ózim biologpyn. Ekologiialyq sýktsessiia degen termin bar. Belgili bir ekologiialyq júiedegi almasý protsesi degendi bildiredi. Mysaly, Medeýde qaraǵai-samyrsyndar daýyldan qulap qaldy ǵoi. olar qaita qalpyna kelý úshin úsh satydan ótýi kerek. Birinshisi, ekologiialyq sýktsessiianyń ósýi, ekinshisi turaqtaný, úshinshisi klimat. Tabiǵatta da osyndai sýktsessiia bar. Jańa Qazaqstan da sol siiaqty. Birdei bári ózgerip, qulpyryp ketpeidi. Jańa adamdar keledi, olar jumys isteidi, turaqtanady, ary qarai jemis beredi. Uzaq ýaqyttyq protsess", – deidi sarapshy.
