İİM málimetinshe, sottyń 23 qazandaǵy sanksıasyna baılanysty Sadyqovtarǵa "Áleýmettik, ulttyq, dinı alaýyzdyqty qozdyrý" babymen izdeý jarıalanǵan.
Qazaqstan Natalá Sadyqovaǵa 2014 jyly izdeý jarıalaǵan. Ol kezde Sadyqovaǵa májilistiń burynǵy depýtaty Maral Iteǵulovtyń ar-namysyn qorlady dep aıyptalǵan. 2014 jyly Sadyqova Kıevte ekenin aıtqan edi.
2012 jyly Aqtóbe soty opozısıa belsendisi Aıdos Sadyqovty "polıseılerge qarsylyq kórsetti" dep eki jyl túrmege japqan. Sadyqovtar ózderiniń ústinen qozǵalǵan isterdiń "saıası astary" bar degen edi.
Aıdos Sadyqov 2010 jylǵa deıin sol kezdegi "Azat" jalpy-ulttyq sosıal demokratıalyq partıasynyń Aqtóbe fılıalynyń jetekshisi boldy. Sol jyly ol bul partıadan ketip, "Gastat" atalatyn qoǵamdyq qozǵalys qurdy. Ol qozǵalys qytaılyq "SNPS-Aqtóbemunaıgaz" kompanıasynda táýelsiz kásipodaqtardyń qurylýyna muryndyq boldy. Sadyqov munaıshylar quqyǵynyń buzylmaýyn talap etken aksıalar ótkizip kózge túsken.
Keıin Sadyqov ta elden ketip, áıeli Natalá Sadyqova ekeýi Kıevte turǵan. Olar 2014 jyly "Báse" dep atalatyn Youtube kanal ashyp, bılikti synaıtyn, bıliktegilerdiń jemqorlyqqa qatysy bary týraly vıdeolar jarıalaı bastaǵan. "Básege" qazir 996 myń adam jazylǵan.
