Vitse-premer, ulttyq ekonomika ministri Serik Jumanǵarin shegirtke máselesine qatysty pikir bildirdi. Bul jándikterdiń kóbeiýi biyl sharýalardy alańdatyp otyr. Jýrnalister ministrden buǵan deiin ózi aitqan "shegirtke halal ónim" degen málimdemesin naqtylaýyn surady, dep habarlaidy Dalanews.kz.
"Men shegirtke halal ónim dep aittym. Biraq men ony jeńder dep pe edim? Taǵy da ne oilap taýyp otyrsyzdar?!", - dedi ministr.
Jumanǵarinniń aitýynsha, shegirtkeden tolyqtai qutylý múmkin emes, óitkeni ol ekojúieniń bir bóligi.
"Bizdi qorshaǵan ortada mikroaǵzalar men jándikter ómir súredi. Kóbelekter aýada ushady, qustar aspanda qalyqtaidy. Biraq endi bárin joiyp tastaiyq pa, óitkeni olar bizge kedergi keltiredi eken? Shegirke bizben birge ómir súrip kele jatyr. Men aittym ǵoi, ol mamonttarmen qurdas shyǵar. Sol sebepti ár 12 jyl saiyn belsendilik pen kóbeiý kezeńi qaitalanyp otyrady. Qazir sol eki jyldyq tsikldiń sońynda turmyz. Keler jyly mundai belsendilik bolmaidy", - dedi ol.
Ministrdiń aitýynsha, Túrkistan men Qyzylorda oblystaryndaǵy kúres sharalary aiaqtalýǵa jaqyn, egistik alqaptarǵa qaýip joq. Qazir basty nazar Aqtóbe men Qostanai oblystarynyń shekaralaryna, sondai-aq Reseimen shekaralas óńirlerge aýdarylyp otyr.
Shegirtkege qarsy kúreske respýblikalyq biýdjetten 7,1 mlrd teńge qarajat bólingen.
