Kúni keshe ǵana Merki aýdanyna qarasty Tátti aýylynyń mańynda Toyota Alfard mınıveni men Skoda-Octavia polısıa kóligi betpe-bet soqtyǵysyp, mınıven órtke orandy. 25 jastaǵy Toıota Álfard avtokóliginiń júrgizýshisi qarsy jolaqqa shyǵyp, Shkoda Oktavıa patrúldik polısıa kóligimen soqtyǵysqan.
Oqıǵa saldarynan eki polısıa qyzmetkeri jáne Toyota Alfard kóliginiń tórt jolaýshysy kóz jumdy. Taǵy tórt adam aýrýhanaǵa jetkizildi.
Jambyl oblysyndaǵy 6 adamnyń ómirin qıǵan jol-kólik apatynan qaza tapqan polıseıdiń biri “100 jańa esim” jobasynyń ekinshi kezeńiniń jeńimpazy, 11 balanyń ákesi 46 jastaǵy Ǵalym Arystanbaev ekeni málim boldy.
Ǵalym Arystanbekov jambyldyqtarǵa jaqsy tanys. Onyń otbasy ózderiniń 3 balasynan bólek, taǵy 8 balany balalar úıinen asyrap alyp, keıin “100 jańa esim” jobasyna qatysqan.
Kópshilik daýyspen jobanyń ekinshi kezeńiniń jeńimpazy atanǵan bolatyn. Sondaı-aq, Arystanbaevtar otbasy «Mereıli otbasy» respýblıkalyq baıqaýynyń da fınalısi bolǵan.
Marqum Ǵalym Arystanbaev jubaıy Álıamen birge otbasy úlgisindegi balalar úıin jasaǵan. Marqumnyń otbasynyń qaıǵysyna ortaqpyz!
