Jyl basynan beri shetelde izdeýde júrgen 264 qylmysker Qazaqstanda ustaldy, dep habarlaidy Dalanews.kz.
QR Ishki ister ministrliginiń resmi internet-resýrsynyń málimetinshe, 2025 jyldyń alǵashqy tórt aiynda QR IIM Qylmystyq politsiia departamentiniń úilestirýimen aýmaqtyq politsiia departamentteriniń jedel qyzmetkerleri túrli qylmys jasaǵany úshin shet memleketterdiń ishki ister organdary izdestirip jatqan 264 adamdy ustaǵan.
Máselen, Jambyl oblysynda Ózbekstan Respýblikasynyń 48 jastaǵy azamaty qolǵa tústi. Tergeý derekterine súiensek, ol biyl aqpanda Tashkent oblysynda otbasylyq janjal kezinde áieline aýyr dene jaraqatyn salyp, onyń ólimine sebepker bolǵan.
Sondai-aq Túrkistan oblysynda 2003 jyldan beri kisi óltirdi degen kúdikpen halyqaralyq izdeýde júrgen 71 jastaǵy er adam ustalyp, qamaýǵa alyndy.
Almaty qalasynda memleketaralyq izdeýde júrgen ózbekstandyq azamat ta qolǵa túsip, ýaqytsha ustaý izoliatoryna qamaldy. Ol 2012 jyly Chirchik qalasynda azamattyq nekedegi áielin uryp-soǵyp, býyndyryp óltirgen.
Oǵan qosa, Jambyl oblysynda Qyrǵyzstan azamaty ustaldy. Tergeý málimetteri boiynsha, ol 2022 jyly Reseidiń Lipetsk qalasynda tanysyn pyshaqtap óltirgen.
Sonymen qatar IIM habarlaýynsha, Qazaqstan tarapynyń suranysy boiynsha shetelde 57 qylmysker anyqtalyp, ustalǵan.
