Kóksý aýdandyq ákimdiginiń málimetine qaraǵanda, Balpyq biden Almaty, Taldyqorǵan, Jarkent, Úshtóbe qalalaryna qatynaityn avtobýstardan bólek, aýdannyń óz ishinde iske qosylǵan baǵyttar 16 eldi mekendi, iaǵni 47% qamtyp otyr. Bul baǵyttarda negizinen «Aq Nar-A» JShS qyzmet kórsetýde. Jýyrda jolaýshy tasymaly qyzmetine «Daýtov» JK da qosyldy. Al aýdan ortalyǵynyń ishinde «Gimidjiev» JK shaǵyn avtobýstary óz qyzmetin usynyp otyr.
Al Kerbulaq aýdanynyń ortalyǵy Saryózek aýylynyń ishinde ótken jyldyń qarasha aiynda alǵash ret qoǵamdyq kólik qatynasy qolǵa alynǵan bolatyn. Osy jyldyń qańtar aiynyń basynda ekinshi baǵyt iske qosyldy.
Kerbulaq aýdandyq ákimdiginiń aqparatyna súiensek, aýdandyq TÚKSh bólimi men turǵyn úi inspektsiiasy «Jeńis» jeke kásipkerimen kelisimshart jasasyp, sonyń nátijesinde turǵyndardyń aýyl ishinde dittegen jerine qinalmai jetýine jaǵdai jasalyp otyr. Oǵan qosa jańa shaǵynaýdan turǵyndarynyń da ortalyqqa qatynaýy jeńildegen.
Qazir Saryózek aýylynda jalpy sany 5 kólik jolaýshy tasymalyna qyzmet kórsetýde. Qoǵamdyq kólikte oqýshylar tegin júredi, al eresekter úshin jolaqysy – 80 teńge.
Saryózektegi D. Qonaev atyndaǵy orta mekteptiń muǵalimi Sandýǵash Ospanova – jańa shaǵynaýdannyń turǵyny. Úii men jumysynyń arasynda kúndelikti qatynaityn S.Ospanova qoǵamdyq kólik qatynasynyń jandanǵanyna dán riza:
– Eldi meken turǵyndarynyń jumysqa, balalardyń mektepke, basqa jolaýshylardyń kúndelikti tirshilikpen jan-jaqqa barýy ońailady. Halyqtyń igiligi úshin atqarylatyn osyndai oń bastamalar kóbeie bersin, – deidi ustaz.
Jalpy Jetisý oblysynyń jolaýshy kóligi jáne avtomobil joldary basqarmasynyń málimetinshe, óńirdiń marshrýttyq jelisi 75 avtobýs baǵytyn qamtidy (6 oblysaralyq baǵyt, 22 oblysishilik baǵyt, 40 aýdanishilik (qalaishilik) baǵyt, 7 qala mańyndaǵy baǵyt) 18 tasymaldaýshy mekeme qyzmet kórsetedi, 342 jyljymaly quram tartylǵan. 2022 jylǵy qoǵamdyq kólik jumysynyń qorytyndysy boiynsha avtomobil kóligimen 139,4 mln. jolaýshy tasymaldandy, al jolaýshylar ainalymy 1566,3 mln. jolaýshy-shaqyrymdy qurady.
