"Jetisý" fýtbol klýbynyń basshysy eki aiǵa qamaýǵa alyndy, - dep habarlaidy Dalanews.kz.
Qazinform agenttiginiń málimetinshe, "Jetisý" fýtbol klýbynyń direktory Qalmuhamet Donsebaevty quqyq qorǵaý organdary ustady.
"Sot qaýlysymen tergeý organdarynyń D.-ǵa qatysty qamaýda ustaýǵa sanktsiia berý týraly ótinishi 2 ai merzimge qanaǵattandyryldy. Sot sheshimi zańdy kúshine engen joq", - delingen habarlamada.
Donsebaev ne úshin ustalǵany ázirge belgisiz.
Qalmuhamet Donsebaev «Jetisý» FK direktory. Ol memlekettik satyp alý portalynda "Jetysý" áýekompaniiasynyń basshysy retinde kórsetilgen.
Aita keteiik, 30 mamyrda Antikor qazaqstandyq sport salasynda júieli sybailas jemqorlyq áshkere bolǵany týraly habarlaǵan edi. Áńgime milliardtaǵan biýdjet qarajattary týraly bolýy múmkin. Sonyń ishinde otandyq fýtboldaǵy jemqorlyqtar da bar.
