Jetisaidyń balyǵy shetelge eksporttalýda
Maqtaly aýyldyq okrýgine qarasty Sholpanqudyq dep atalatyn shaǵyn ǵana aýylda ornalasqan «Súndet» sharýa qojalyǵy dóńmańdai (tolstolob), amýr, sazan syndy 1 mln 300 dana balyq shabaqtaryn óndirip, ósirýde.
Shabaqtarǵa qajetti jemdi Polsha elinen aldyrady. Shekara asyp keletin jemniń quramynda balyqty túrli aýrý-syrqaýdan saqtaityn jáne ósip-jetilýine qajetti barlyq mineraldar bar deidi mamandar.
Memleket basshysy Qasym-Jomart Toqaev ótken jylǵy halyqqa Joldaýyn júzege asyrý aiasynda memleket tarapynan akvaósirýge paidalanylatyn azyqty satyp alýǵa jumsalatyn shyǵyndardyń 30%-yn sýbsidiialaý baǵdarlamasy balyq sharýashylyǵyn damytýǵa ońdy yqpalyn tigizip keledi. Aita keteiik, memlekettik qoldaýdan qalys qalmaǵan óńirdiń balyq taýaryn óndirýshileri ónimderin Ázerbaijan, Grýziia, Izrail, Resei, Qytai jáne Ózbekstan elderine eksporttap, tabystaryn arttyryp keledi.
Búginde jasandy balyq ósirý boiynsha elimizde kósh bastap turǵan Túrkistan oblysynda taýarly balyq ósirýge jaramdy 134 ózen-kól bar. Onyń ishinde 88-i jergilikti mańyzy bar sý aidyny balyq sharýashylyǵy maqsatynda tabiǵat paidalanýshylarǵa berilgen.
