Búgin QR Prezıdenttigine Jalpyulttyq sosıal-demokratıalyq partıasy atynan kandıdat Nurlan Áýesbaev Aqmola oblysy Shortandy kentinde saılaýshylarmen kezdesti, – dep habarlaıdy Dalanews.kz.

İs-shara barysynda jınalǵan qaýymǵa óziniń saılaýaldy baǵdarlamasynyń basym baǵyttary jóninde baıandap berdi.

Qajetti ınfraqurylym joqtyǵy sekildi Qazaqstannyń birqatar óńirlerine tán másele Shortandyda da ózekti.

Nurlan Áýesbaevtyń pikirinshe, jaǵdaıdy túzetý úshin jergilikti ózin-ózi basqarýdy kúsheıtý kerek. JSDP-dan kandıdat barlyq deńgeıli depýtattardy bir mandattyq okrýgtardan ǵana saılaý qajet dep esepteıdi. Sol kezde ǵana halyq qalaýlylary saılaýaldy ýádelerinde turyp, jaýapkershilikti sezinetin bolady.

Bılikte de ózgerister oryn alýy qajet. Qazaqstan parlamenttik-prezıdenttik basqarý úlgisine ótýi tıis. Bul degenimiz, prezıdenttiń ókilettikteri tolyqtaı qaıta qarastyrylady.

Memleketti basqarýdaǵy basty ról parlamentke tıesili bolýy kerek. Zań shyǵarýshy organdy qaıta jasaqtaý qajet. Depýtattardyń 50%-y partıa tizimderi boıynsha saılanýy qajet. Halyq qalaýlylarynyń teń jartysy bir mandattyq okrýgtardan quralýy tıis.