Dýbaida The UAE SWAT Challenge 2025 halyqaralyq jarystary jalǵasýda. Onda 100-den astam eldiń kúshtik qurylymdarynyń arnaiy bólinisteriniń qyzmetkerleri baq synap jatyr, - dep habarlaidy Polisia.kz.
"Suńqar" bólinisiniń jaýyngerleri jarystyń birinshi jáne úshinshi kúnderiniń nátijeleri boiynsha kósh bastap, jeńisti joldy jalǵastyrýda. Qazaqstan IIM qyzmetkerleri "ofitserdi qutqarý" dep atalatyn úshinshi kezeńnen sátti ótip, atys daiyndyǵy men jaýyngerlik eptiligin kórsetti. Nátijesinde olar barlyq synaqty 2 minýt 11 sekýndta aiaqtady.
Politseiler saiysta synǵa túsip jatqan áriptesteriniń videolarymen bólisip, qoldaý kórsetip jatyr.
Otandastarynyń jeńisine Dýbaida júrgen bizdiń azamattar da qýanýda. Qazaqstandaǵy kórermen de týrnirdi tikelei efirde tamashalaýda. "Bizdi qoldaǵan jandardyń bárine raqmet. Jerlesterdiń lebizi bizge kúsh-jiger syilaidy", - dedi jaýyngerler.
Esterińizge sala keteiik, týrnirdiń birinshi kúni de "Suńqar" komandasy "altyn" jeńip alǵan bolatyn. Úsh kúnniń qorytyndysy boiynsha IIM komandasy týrnirdiń jalpy kestesinde ekinshi oryndy ielenip tur. Odan bólek, úzdik on komandanyń arasynda Ulttyq ulan, "Sardar B" (MKQ) jáne UQK-nyń eki komandasy (Arystan Team jáne SSN Aktau) bar.
Ótken jyly "Suńqar" jaýyngerleri uiymshyldyǵymen erekshelengen edi. Qatysýshylardyń biri aiaǵyn syndyryp alǵanyna qaramastan, komanda máre sońyna deiin jetip, kórermenniń kózaiymyna ainalǵan bolatyn.
