QR qarjy vitse-ministri Erjan Birjanov Qazaqstanda jeke kásipkerler jappai jabylyp jatyr degen aqparatty joqqa shyǵardy, dep habarlaidy Dalanews.kz.
Onyń aitýynsha, kerisinshe, elde jańa biznes sýbektileriniń sany artyp keledi.
"Qazir jeke kásipkerler jappai jabylyp jatyr degen áńgime kóp aitylady. Biraq bul – durys emes. Ótken jylmen salystyrǵanda biz oń saldony kórip otyrmyz: pliýs 150 myń jańa biznes sýbektisi tirkelgen. Al 2024 jyly 2023 jylmen salystyrǵanda bul kórsetkish 50 myńǵa da jetpegen edi. Iaǵni jańa Salyq kodeksin engizý aiasynda jeke kásipkerler jabylyp jatqan joq, kerisinshe olardyń sany artyp keledi. Bul – resmi statistika", – dedi vitse-ministr Májilis kýlýarynda.
Sonymen qatar, Erjan Birjanov ońailatylǵan rejimde jumys isteitin keibir kásiporyndardyń jabylýy múmkin ekenin de joqqa shyǵarmady. Onyń sózinshe, kei jaǵdaida bir biznestiń ainalasynda qosymsha eki-úsh jeke kásipker tirkelip, olar negizgi kompaniiany QQS-qa ótýden «saqtandyrý» úshin qurylǵan.
"Mundai kásipkerlerdi biz shartty túrde "seriktester" dep ataimyz", – dep túsindirdi ol.
