Májilis depýtaty Erlan Saiyrov Qaraǵandyda "jedel járdem" júrgizýshisin aiaýsyz soqqyǵa jyqqan buzaqyny qatań jazalaýǵa shaqyrdy, dep habarlaidy Dalanews.kz.
Májiliste balalar men áielderge qarsy zorlyq-zombylyqqa bailanysty jaýapkershilikti kúsheitý jónindegi zań jobasy qaralyp jatyr. Osy tusta Saiyrov jaqynda Qaraǵandyda bolǵan oqiǵany tilek tiek etip, qyzmettik mindetin atqarýshylardyń densaýlyǵyna jaraqat keltirgenderge jazany kúsheitýdi usyndy.
“Mysaly, Qaraǵandyda jedel járdem júrgizýshisin bir naqurys uryp tastady. Biz ony búkil Qazaqstan bolyp izdep, áreń taptyq. Biraq qazir ony qatań jazalaityn esh tetik joq. Sol sebepti dál sondai otmorozoktardy qatań jazalaityndai sharalar qajet. Máselen, qylmystyq iste olar bas bostandyǵynan aiyratyndai jaza taǵaiyndalýy tiis. Ishki ister ministrligi nege sondai bapty engizbei otyr? Nege sondai adamdarǵa liberaldy amal qoldanylady, – dedi depýtat.
Al Igor Lepeha bul másele boiynsha tiisti shara qolǵa alynǵanyn jetkizdi. Onyń aitýynsha, buzaqyǵa qylmystyq is qozǵalyp jatyr.
