Jańa álipbi – Uly maqsatqa bastaidy
Jańa álipbi –Uly maqsatqa bastaidy
Almaty oblystyq «Til» oqytý-ádistemelik ortalyǵynyń oqytýshysy Janar Elesbaeva jańadan qabyldanǵan álipbige qatysty pikirin bólisti. Bilikti maman Elbasy Nursultan Nazarbaevtyń latyn álipbiiniń jańa nusqasýyna qol qoiýyn elimiz úshin tarihi sheshim ekenni alǵa tartty.
– Sanadaǵy sansyz saýalǵa núkte qoiyldy. Qazaq tili álipbiin kirillitsadan latyn grafikasyna kóshirý týraly Elbasy Nursultan Áibishuly Nazarbaev Jarlyqqa qol qoiyp, elimiz resmi túrde jańa betburys kezeńine ótti. Bul – elimiz úshin tarihi sát, tarihi sheshim. Álipbi aýystyrý – jai ǵana tańba aýystyrý emes. Bul sanamyzdy jańǵyrta otyryp, jańasha ómir súrýge talpynys. Endeshe, balalarymyzdyń bolashaǵy úshin osyndai sheshim qabyldaǵanyna qýanyshtymyn. Latyn álipbiine kóshý arqyly álemmen birlese túsemiz, balalarymyzdyń aǵylshyn tili men internet tilin jetik igerýine, eń bastysy – qazaq tilin jańǵyrtýǵa jaǵdai týmaq. San ǵasyr boiy armandap kelgen ózimizdiń tól jazýymyzdy jańǵyrta otyryp, elimizdegi ár azamattyń memlekettik tildi jetik meńgerýine jaǵdai jasaýymyz qajet. Sebebi, tilimiz erkin túrde damyǵan jaǵdaida ǵana elimizdiń táýelsizdigi óz tuǵyrynda bolmaq. Latyn álipbiin qabyldaý osy uly maqsat jolyndaǵy basty qadam dep bilemin.
