J. Túimebaev: «Qylmysty azaitýdyń utymdy joly - jumyssyzdyqty joiý»
«Qylmystyq quqyqbuzýshylyqtardyń túrlerine saraptama jasasaq, aýyr qylmystar 22,4 paiyzǵa , densaýlyqqa ortasha ziian keltirý 54,2 paiyzǵa, urlyq 18,7 paiyzǵa , tonaý 16,5 paiyzǵa , qaraqshylyq 45,5 paiyzǵa, buzaqylyq qylmystary 38,9 paiyzǵa tómendegen. Ahýaldyń birshama saýyǵýyna departamenttiń salalyq qyzmetteri, basqa da quqyq qorǵaý organdary jáne múddeli mekemelermen birlese otyryp ótkizilgen «Quqyq tártibi», «Qadaǵalaý», «Núktelik», «Ýchaske» keń-kólemdi jedel aldyn-alý sharalary da oń áser etti»,-dedi Ábdiǵani Taijanuly
Onyń aitýynsha, tirkelgen qylmystardyń negizgi bóligin iaǵni al 64,6 paiyzyn urlyq qylmystary qurap otyr. Júrgizilgen saraptama negizinde, qoǵamdyq orynda jasalǵan qylmystardyń 0,3 paiyzy adam óltirý, 0,2 paiyzy densaýlyqqa aýyr dene jaraqatyn salý, 7 paiyzy tonaý, 0,1 paiyzy qaraqshylyq, 11,9 paiyzy buzaqylyq, 15,6 paiyzyn basqa da qylmystar quraǵan. Sannan sapaǵa kóshýdi eskertken oblys ákimi sala basshylaryna qylmyspen kúresýde sheteldik ozyq úlgilerdi engizip, utymdy tájiribelerdi paidalanýǵa keńes berdi.
«Qylmysty azaitýdyń utymdy joly - jumyssyzdyqty joiý. Jasyratyny joq, quqyq qorǵaý oryndary negizinen paiyzdyq kórsetkishterdi tómendetýge kúsh salady. Alaida bul áreket máseleni sheshpeidi. Paiyzdyq kórsetkishter tómendegenimen qylmys azaiyp otyrǵan joq. Sondyqtan jergilikti politsiia jumysty júieli ári tiianaqty atqarýy tiis. Qylmyspen kúres jumystaryna qoǵamdyq belsendi toptar men jastar uiymdaryn tartý qajet», - dedi Janseiit Túimebaev.
Komissiia otyrysynda qylmyspen kúresti kúsheitý, quqyq buzýshylyqtyń aldyn alý jáne qoǵamdyq qaýipsizdikti qamtamasyz etý maqsatynda atqarylatyn sharalar barysy talqylandy. Nátijesinde sala basshylaryna oblys basshysy tarapynan tiisti nusqaý, tapsyrmalar berildi.
Jiynda sondai-aq oblystaǵy respýblikalyq jáne oblystyq mańyzy bar avtojoldardyń jaǵdaiy, jaiaý júrginshiler ótkelderin salý, jol-kólik oqiǵalarynyń aldyn alý, apattylyqty azaitý máseleleri talqylanyp, naqty sharalar qabyldaý júkteldi.
OQO ákiminiń baspasóz qyzmeti
