Ystambulda terakti bolyp, 35 adam kóz jumdy
Stambuldaǵy Reina túngi klýbyna jasalǵan shabýyl saldarynan 35 adam qaza taýyp, jaralanǵandar sany 40-qa jetti. Qaza tapqandardyń arasynda Izrail, Belgiia, Saýd Arabiiasy, Marokko, Liviia jáne Livan azamattary bar. Santa Klaýs kostiýmin kigen eki er adam "Reina" túngi klýbyna basyp kirip, beibereket oq atqan. Olar shabýyl jasaǵan kezde ǵimarattyń ishinde 700-800 adam bolǵan.
«2017 jyl Túrkiianyń iri qalasynda terrorlyq aktimen bastaldy. Salafitter túngi klýbqa kirip avtomattan jappai oq ata bastady. Olardyń pikirinshe, Jańa jyldy merekeleý - bul haram. Jáne mundai paiymdaý áleýmettik jelide taralǵan»,-dep jazdy Nurat Iliias Facebook-te. Ol Stambul ýniversitetinde «tiýrkologiia» mamandyǵy boiynsha doktorantýrada oqidy. Úsh jyldan beri osy qalada turady. Stambul túngi klýbynda oq atqan lańkesterdiń biriniń kózi joiyldy, dep habarlady Guardian.
