Tashkentte ótken informatikadan halyqaralyq olimpiadada (IOI 2026) joǵary nátije kórsetken qazaqstandyq oqýshylar elordaǵa oraldy, dep habarlaidy dalanews.kz.
Astana áýejaiynda jas chempiondar men olardyń jetekshilerin oqý-aǵartý ministri Juldyz Súleimenova, "Daryn" respýblikalyq ǵylymi-praktikalyq ortalyǵynyń ókilderi, ata-analary, ustazdary men dostary qarsy aldy.
Olimpiada qorytyndysy boiynsha Qazaqstan quramasynyń tórt múshesi de júldeger atandy. Olar 1 altyn jáne 3 kúmis medal jeńip aldy. Qazaqstan álemdik komandalyq esepte 10-orynǵa ie boldy. Bul - elimizdiń osy halyqaralyq olimpiadaǵa qatysý tarihyndaǵy úzdik nátijeleriniń biri.
Maksim Tsoi altyn medal jeńip alyp, álemdik jeke esepte 5-oryn ielendi. Mansýr Mamadahýnov, Asqar Ákejan jáne Aldiiar Seitbai kúmis júldeger atandy.
Ulttyq quramaǵa Temirlan Satylhanov pen Aibek Qýanyshbai jetekshilik etti.
