Gúlmira Satybaldynyń densaýlyǵyna bailanysty sot jaryssózi ótpedi, dep habarlaidy Dalanews.kz Sputnik Qazaqstanǵa silteme jasap.
Gúlmira Satybaldyǵa qatysty sot otyrysy búgin bolǵan joq. Óitkeni Satybaldynyń advokaty aiyptalýshynyń densaýlyǵyna bailanysty sot otyrysyna qatysa almaitynyn aitty.
"Gúlmira Satybaldyda allergiia paida boldy, onyń fizikalyq jaǵdaiy nashar. Dáriger tappai otyrmyz", - dedi advokaty.
Sot otyrysy erteńge qaldyryldy.
"Ýaiymdamańyz. Jedel járdem shaqyryńyz. Biz sizdi májbúrlep sot otyrysyna qatystyrmaimyz. Sol jerde dárigerler bar, sizdiń densaýlyǵyńyzǵa qatysty sot otyrysy erteńge qaldyrylady", - dedi sýdia.
Eske sala keteiik, Nazarbaevtyń nemere inisi Qairat Satybaldynyń buryńǵy áieli Gúlmira Satybaldyǵa qatysty qylmystyq is Almaty qalasynyń qylmystyq ister jónindegi mamandandyrylǵan aýdanaralyq sotynda qaralyp jatyr.
Gúlmira Satybaldyǵa Qylmystyq kodekstiń birneshe baby boiynsha aiyp taǵylýda: aýyr zardaptarǵa ákep soqqan ozbyrlyq (389-bap, 3-bólik); qylmystyq quqyq buzýshylyqty uiymdastyrý (28-baptyń 3-bóligi); adamdar tobymen aldyn ala sóz bailasý arqyly adam urlaý (125-baptyń 2-bóligi 1.8-bóligi).
