Gúlmıra Satybaldy sotqa qatysýy úshin Almatyǵa jetkiziledi, - Dalanews.kz. 

Gúlmıra Satybaldynyń isi boıynsha aldyn ala tyńdaýda sýdıa Mártpek Kákimjanov advokattyń qylmystyq isti qysqartý týraly ótinishin qanaǵattandyrmady. 

Sýdıa qorǵaýshynyń ýájderi is materıaldarynda bar dáleldemelerdi taldaýǵa negizdelgenin, biraq sot aldyn ala tyńdaý kezinde bul dáleldemelerge baǵa bere almaıtynyn, sebebi olar negizgi sot talqylaýy barysynda jábirlenýshilerden, kýálardan jaýap alý jáne oqý arqyly zertteletinin atap ótti. Aıyptaý aktiniń ózinde eshqandaı zań buzýshylyqtar joq.

Sonymen qatar, sýdıa sot prosesin jabyq túrde jáne onlaın ótkizý týraly ótinishti qanaǵattandyrmady. Sýdıanyń aıtýynsha, buǵan qylmystyq is júrgizý kodeksinde kózdelgen memlekettik qupıalardy qorǵaý múddesi nemese kámeletke tolmaǵan adamǵa qatysty is sıaqty sebepter joq.

Sondaı-aq advokattarǵa sot talqylaýy kezindegi dáleldemelerdi zertteý nátıjeleri boıynsha qylmystyq isti qysqartý týraly ótinishti qaıta berýge bolatyny túsindirildi.

"Almaty qalasynyń qylmystyq ister jónindegi mamandandyrylǵan aýdanaralyq sotynda negizgi sot talqylaýy ashyq sot otyrysy formatynda ótsin. Bultartpaý sharasy ózgerissiz qalady. Sottalýshy Gúlmıra Satybaldy Qaýasqyzy Astana qalasynyń mekemesinen Almaty qalasynyń №78 mekemesine jetkizilsin", - dep sheshti sýdıa.

Alǵashqy sot otyrysy 30 mamyr kúni saǵat 10:00-de Almaty qalasynyń qylmystyq ister jónindegi mamandandyrylǵan aýdanaralyq sotynda ashyq rejımde ótedi. Sot otyrysy aptasyna eki ret – dúısenbi jáne beısenbi kúnderi ótedi.