Ǵabbas aqsaqal alystan oraǵytypty. Aitpaqshy, bul Gúljanǵa jazǵan ekinshi hatyna uqsaidy. Alǵashqy hattyń mazmuny da osyǵan uqsas-tuǵyn.
"Ekeýiń ózara kelisim tabyńdar, úshinshi bireýlerge – senderge jamandyq tileitinderge kúlki bolmańdar, birińniń qateń bolsa, ekinshiń keshire bilińder dedim. Seniń sondaǵy durys sózińe shyn sendim. Biraq…"
depti Qabyshuly.
Munysy durys ta shyǵar. Ǵalymjannyń da, Gúljannyń da dushpandary kóp. Tabalaýy múmkin. Kúlkisine qalýy da ǵajap emes. Qalǵan da shyǵar...
"Seniń feisbýgyńda «Ǵalymjandy qurtamyn!» dep qaita-qaita jazyp júrgenińdi aitty. Onyń ne? Sottastyńdar, olar qaryzdy bólip-bólip tóleitin boldy. Bir kúnde tólei almaityndaryn men de bilemin.
Gúljan, senen taǵy da ótinerim: Ǵalymjandardy jamandaǵandy, jaý bolǵandy toqtatýdy oila.
Hamit aǵa meni inisindei jaqsy kóretin. Sol ardaqty aǵanyń arýaǵyn qyzy sen syila, inisi men syilaiyn. Postaraisia menia poniat, Gýljan Hamit aǵa qyzy!" depti Ǵabbas aqsaqal.
Aitpaqshy, aita ketelik. Ǵalymjan men Qarlyǵash Jaqiianovtar jáne Gúljan Erǵalieva arasynda birazdan beri aqsha daýy júrip jatyr. Gúljannyń óz aqiqaty bar. Al Jaqiianov jaq ashqan joq, bir bilsek. Ǵalymjannyń ózi buǵan jaýap qatty degen estimeppiz.
Aqsaqaldyń aitýynsha, eki jaqtyń bitimge kelýine qarsy, múddeli emes taraptar ta bar. Jazýshy áleýmettik jelide otyrmaidy. Qarsylar týraly, múddeli emester týraly Qabyshulyna Feisbýkte otyratyn qalamdas inileri aitqan.
"Mysaly,
Ámirjan Qosanovty bilesiz ǵoi, sol feisbýginde Gúljan Erǵalievany biryńǵai maqtap, Jaqiianovtardy dattap jazyp júr. Menińshe, ol óitetini ózine jaraspaitynyn oilamaidy, Erǵalievany jaqtai berýge mindetti siiaqty.
Sonda Ǵalymjan men Qarlyǵash Jaqiianovtar oǵan nendei jamanshylyq jasady eken? Keshe ǵana Ǵalymjandy biliktiń qiianatynan qorǵasqan edi, endi búgin biliktiń soiylyn soǵa bastaǵany ma, aǵa, ol qalai?» dedi.
Men ne derimdi bilmei qalyp: "Baýyrym, Gúljannyń: «Ǵalymjandy qurtpai qoimaimyn!" dep júrgenin estip, byltyr ol qaryndasyma ókinishti hat jazǵanmyn, ar-uiatty aqshamen esepteý jón emesin aitqanmyn.
Gúljan eki kúnnen keiin telefon shalyp: "Ǵabbas aǵa, aitqanyńyz durys, endi renjimeńiz, biz ózara durys kelisim jasaimyz» degen. Al seniń aitýyńsha, Gúljan taǵyda «qurtamdap» jazyp júrse, oǵan feisbýgi bar senimdi inilerim arqyly ekinshi hatymdy ashyq joldaimyn
al Ámirjan Qosanovpen shúiirkelesip áńgimelesip kórgen joqpyn, biraq sálemi túzý.
Ol myna shataqqa betaldy kirisip, Gúljandy syńarjaqtana maqtap, jaqtap júrgen bolsa, onysyn óziniń aryna tapsyrdym" dedim" deidi Ǵabbas aqsaqal.
Daiyndaǵan, Dýman BYQAI
