Freedom aýyldyq meditsina men tsifrlyq densaýlyq saqtaý júiesin damytýǵa baǵyttalǵan jobalaryn tanystyrdy

Freedom aýyldyq meditsina men tsifrlyq densaýlyq saqtaý júiesin damytýǵa baǵyttalǵan jobalaryn tanystyrdy

Qazaqstanda aýyl turǵyndary úshin meditsinalyq kómektiń qoljetimdiligin arttyrýǵa jáne zamanaýi diagnostikalyq tehnologiialardy engizýge baǵyttalǵan birqatar jobalar júzege asyrylyp jatyr. Atalǵan jobalar búgin ótken Freedom Talk Medtech is-sharasynda tanystyryldy, dep habarlaidy dalanews.kz.

Bul bastamalardyń barlyǵy Freedom holdinginiń jobalary bolyp tabylady. Olardyń negizgi maqsaty – meditsinalyq qyzmet kórsetý júiesin damytý, zamanaýi tehnologiialardyń múmkindikterin keńinen paidalaný jáne sapaly meditsinalyq kómekti shalǵai eldi mekenderge de qoljetimdi etý.

Jobalardyń biri – Qaraǵandy oblysynda júzege asyrylǵan aýyldyq jerlerdegi meditsinalyq diagnostika boiynsha pilottyq joba. 2023–2025 jyldar aralyǵynda baǵdarlama aiasynda shamamen 5 500 turǵyn meditsinalyq tekserýden ótken. Nátijesinde 219 patsient qosymsha tekserýge jiberilip, olardyń 193-inde bastapqy diagnoz rastalǵan.

Joba aýyldyq eldi mekenderde diagnostikalyq keshenderdi paidalaný arqyly meditsinalyq tekserýlerdi turǵyndardyń turǵylyqty jerine jaqyn uiymdastyrýdy kózdeidi. Bul tásil aýrýlardy erte anyqtaýǵa, sondai-aq shalǵai aýyl turǵyndarynyń meditsinalyq ortalyqtarǵa barýyna bailanysty ýaqyt pen shyǵyndy azaitýǵa múmkindik beredi.

Sonymen qatar, Freedom holdingi Qazaqstan Respýblikasy Densaýlyq saqtaý ministrligimen birlesip, «Onlain-meditsina» pilottyq jobasyn damytýǵa baǵyttalǵan bastamany tanystyrdy. Joba tsifrlyq tehnologiialar men telemeditsinanyń kómegimen meditsinalyq qyzmetterdiń qoljetimdiligin arttyrýdy kózdeidi.

Baǵdarlama aiasynda meditsinalyq qyzmetkerlerdi oqytý, beiindi mamandardyń qashyqtan keńes berýin uiymdastyrý jáne zertteý nátijelerin avtomattandyrylǵan taldaý sekildi zamanaýi diagnostikalyq sheshimderdi engizý qarastyrylǵan. Usynylǵan málimetterge sáikes, joba sheńberinde 62 meditsina qyzmetkeri oqytylǵan.

Freedom holdinginiń bul bastamalary densaýlyq saqtaý salasyn tehnologiialyq turǵydan jańǵyrtýǵa, aýyl men qala arasyndaǵy meditsinalyq qyzmet sapasynyń alshaqtyǵyn qysqartýǵa jáne tsifrlyq meditsinanyń múmkindikterin keńeitýge baǵyttalǵan.

Freedom Talk MedTech alańynda tanystyrylǵan jobalar holdingtiń meditsinalyq tehnologiialardy damytýǵa jáne osy baǵyttaǵy júieli sheshimderdi keńeitýge basymdyq berip otyrǵanyn kórsetedi.