Aıta ketelik, Toqaev Máskeý qalasynda ótken II Eýrazıalyq ekonomıkalyq forýmǵa qatysqan bolatyn. Jıyn barysynda búginde sarapshylar qaýymdastyǵy keńinen talqylap jatqan birqatar mańyzdy málimdeme jasaǵan.
"EAEO aıasyndaǵy ıntegrasıa tek qana ekonomıkalyq sıpatta ǵana júrýi kerek. Bul – Prezıdenttiń negizgi ustanymy.
Onyń sheńberinen shyǵý uıymnyń jarǵylyq qujattarynyń maqsattaryna, prınsıpteri men mindetterine qaıshy keledi.
Prezıdent atap ótkendeı, ekonomıkalyq ıntegrasıa – bul túpki maqsat emes, ol ekonomıkany damytýdyń jáne halyqtarymyzdyń ál-aýqatyn arttyrýdyń negizgi quraldarynyń biri. Iaǵnı, uıym asynda qabyldanatyn kez kelgen sheshim onyń árbir múshesine jáne, eń aldymen, olardyń azamattaryna paıdasyn tıgizýi tıis", - dedi Rýslan Jeldibaı.
Onyń atap ótkenindeı jıynda túrli deńgeıdegi ıntegrasıa máselesi qozǵalǵan.
"Búginde EAEO-nyń eki múshesi – Reseı men Belarýs ózara yqpaldastyqtyń joǵary deńgeıine shyqty. Bul – erekshe presedent.
Memleket basshysynyń paıymynsha, shyn máninde, bir halyq jáne bir memleket týraly sóz bolyp otyr. Osy rette múlde basqa maqsattardy kózdegen eki túrli ıntegrasıalyq joba sheńberindegi bastamalardyń ara-jigin ajyratý asa mańyzdy.
Bizdiń elimizge keletin bolsaq, Qazaqstan qandaı da bir odaqtas memleketter qurýǵa nemese olardyń quramyna kirýge nıetti emes jáne ony josparlap otyrǵan joq", - dep jazdy ol.
