– Astanaǵa kóshýin kóship alyp, oi kelip, Almatyǵa kelsem jaman bolamyn. Keýdemdi saǵynysh kernep. Osy jaqta shabyt myqtyraq eken, ony moiyndaimyn. Ásirese, shyǵarmashylyqta júrgen adamdar osy jaqta ashylady. Shabyt keledi, oilaisyń. Astanada ondai emes. “Tez-tez shyǵyp bara salsam, tez úige barsam, tońyp qaldym” deisiń, – degen Erke qaitadan Almatyǵa kóship kelgisi keletinin jasyrmady.
Erke Instagram jelisinde jii synǵa ushyraidy. Sebebi jelide ánshini qazaqtyń qylyqty qyzy dep qabyldamaityndar kóp. Jaqsy qylyqtarynan jasandylyq kóretin keibireýlerge esimime bolmysym sai dep jaýap berdi ánshi.
– Mende eshqandai da jasandylyq joq. Meni ómirde biletin ne bolmasa bir ret kórip tildesken adam ondai emes ekenimdi túsinedi. “Ómirde de sondai ekensiz ǵoi, qaljyńbas ekensiz ǵoi, aita salatyn, kúle salatyn” deitin bolady. Al bilmeitin adamdarǵa qazir, Qudaiǵa shúkir, eńbektiń arqasynda kózin jetkizip kele jatyrmyn. Ózimniń ánderim, sahnadaǵy júris-turysym, sóileýim arqyly ózimniń tabiǵatym osyndai ekenin kórsetip kele jatyrmyn. Meniń anam atymdy Erke dep shataspai, qatelespei ataǵan. Sol úshin anama alǵys aitamyn, – deidi Erke.
Budan ózge Erke ásirese názik jandylar qaýymyna unamai qalatynyn jetkizdi. Oǵan Erkeniń elimizdiń eń symbatty jigiti – Táýekel Músilimmen birge túsken sýretin jii júkteýi sebep eken.
“Táýekeldi qatty maqtap kettim-aý deimin, sol úshin meni qyzdar da jek kóredi. Sýret salǵan saiyn meni jerden alyp, jerge salyp jatady. “Osy jabysady da júredi”, “Armandapsyń”, – dep. Ondai emes. Táýekeldi áriptes, dos retinde qatty syilaimyn”, – dep túsindirdi Erke.
