Áleýmettik jelide belsendilik tanytatyn juldyzdardyń qatarynda Erke Esmahan da bar. Ol tipti jeli qoldanýshylaryna maǵynaly jazbalar ǵana jazamyn dep ýáde bergen-di. Bul joly ánshi halyqqa áke-sheshesin tanystyrdy.
– Sýrettegi meniń ákem men anam. Keıde balalyq shaǵymdy eske alsam, anamnyń basyna qalpaq kıip, ústine jelmen birge jelbirep turatyn kóılegin kıip, papama erip qonaqqa, kınoǵa ketip bara jatatyn sátteri anyq esimde. Ákem qashan da jumysta, úıde bolsa, baqshadan, aýladan ózine jumys taýyp alatyn. Áli de sol, qoly qalt etse, aýlada shege qaǵyp nemese baqsha sýaryp júrgendi jaqsy kóredi. Anam úı ishindegi “aýa raıyn” árdaıym qolaıly etip otyrady. Ózim ana bolǵaly ata-anamnyń qadirine eshnárse jetpeıtinin uqtym. Meniń baǵa jetpes asyldarym, qazir ekeýi ınstagram paraqtap, Erke ne jazdy eken dep otyrǵan bolar. Osy jazbamdy oqyp otyrsańyzdar, men sizderdi sheksiz súıemin, – deıdi Erke Esmahan.
Artynsha ánshi áke-sheshesiniń rasymen ınstagram jelisinde otyratynyn aıtty. Muny estigen jurt tań qalysty. Munymen qatar, olar Erke Esmahandy ákesine uqsatty. «Qandaı baqytty jansyń! Anań men ákeńe uzaq ǵumyr bersin! Alla jar bolsyn januıańa», «Ata-anań aman bolsyn! Erke Pshánaıyńmen baqytty ómir súrip, ánińdi shyrqaı ber», «Júzderińnen árqashan kúlki ketpesin» deıdi jeli qoldanýshylary.
