"Eńbek adamy". Almatyda jemqorlyqqa qarsy mýral paida boldy

1 shilde kúni Almaty qalasy Jastar saiasaty basqarmasynyń qoldaýymen, Sybailas jemqorlyqqa qarsy volonterlik joba aiasynda Alataý aýdany, Zerdeli shaǵyn aýdanynda jastardy adaldyq pen ádilettilikke, zańǵa baǵyný men qoǵamdyq tártipti ustanýǵa úndeitin kórkem joba — «Adal urpaq – jemqorlyqsyz bolashaq» atty mýraldyń saltanatty ashylý rásimi ótti,- dep habarlaidy Dalanews.kz  

Ashylý saltanatyna Almaty qalasy Jastar saiasaty basqarmasy basshysynyń orynbasary Kenesbai Almaz Abaiuly, Sybailas jemqorlyqqa qarsy volonterlik jobanyń jetekshisi Kenesov Ákejan Baqytuly, Alataý aýdany ákimdiginiń mádeniet jáne tilderdi damytý bóliminiń basshysy Qaldarbekov Erbol Ospanuly, Asyl qazyna qoǵamdyq qorynyń tóraǵasy Moldahan Orynbek Temirbekuly, qoǵam belsendileri men jastar qatysty.

Mýraldyń mazmunynda eńbek adamy – dáriger, qurylysshy, politsiia qyzmetkeri beinelenip, adal eńbektiń qoǵamdaǵy mańyzyn kórsetý kózdelgen. Bul Memleket basshysy jariialaǵan «Jumysshy mamandyqtar jyly» aiasyndaǵy «Zań men tártip» qaǵidatyna sáikes, turaqty damý negizin nasihattaidy.

Búginde atalmysh volonterlik joba aiasynda 300-ge jýyq jas belsendi qatysýda. Olar memlekettik satyp alý protsesteri men qurylys nysandarynda ashyqtyqty qamtamasyz etý maqsatynda qoǵamdyq baqylaý júrgizip, quqyqtyq jáne mádeni saýattylyqty arttyrý baǵytyndaǵy is-sharalarǵa uiytqy bolýda.

«Adal urpaq – jemqorlyqsyz bolashaq» mýraly — bolashaq urpaqqa ádiletti qoǵamnyń beinesin usynatyn kórkem úndeý ǵana emes, sonymen birge jastardy qoǵamdyq jaýapkershilikke baýlityn mańyzdy tárbielik qural.

Is-sharaǵa qatysyp, qoldaý bildirgen barsha azamattarǵa uiymdastyrýshylar alǵys bildirdi.

Zań men tártipke negizdelgen qoǵam – jarqyn bolashaq kepili.