Astanada 10-18 mamyr kúnderi COUNTER-STRIKE 2 – PGL Astana 2025 iri halyqaralyq týrniri ótip jatyr, dep habarlaidy elorda ákimdiginiń resmi saity.
Týrnirdi PGL Esports – álemdegi táýelsiz kibersport uiymy uiymdastyrady.
Júlde qory 1 250 000 dollardy quraidy.
Týrnirge AQSh, Germaniia, Serbiia, Braziliia, Ýkraina, Mońǵoliia, Resei jáne t.b. elderden kelgen 16 komanda qatysady. Komandalar quramynda Qazaqstannan 5 ókil bar, olar – oiynshylar: K.Faiznýrov («ICY»), A.Qaiyrjan («kade0»), S.Orazaly («dukefissura»), D. Golýbenko («molodoy»), sondai-aq jattyqtyrýshy R.Telepov («mou»).
Týrnir eki kezeń boiynsha ótedi:
1. Toptyq kezeń (Elimination Stage).
Astanadaǵy jabyq oiyn aimaqtarynda ótkiziledi.
Format – Shveitsariia júiesi (Swiss), barlyq match Best of 3 formatynda ótedi.
Úsh márte jeńiske jetken komandalar kelesi kezeńge ótedi, úsh ret jeńiliske ushyraǵan qatysýshylar shet qalady. Barlyq match onlain rejimde kórsetiledi (https://www.youtube.com/watch?v=q6cCuly0mVI).
2. Plei-off kezeńi (Champions Stage).
Astanada 16-18 mamyr aralyǵynda «Barys Arenada» ótedi.
Toptyq kezeńniń qorytyndysy boiynsha eń myqty 8 komanda qatysady.
Barlyq match Best of 3 formatynda ótedi.
Týrnirdiń sońǵy matchy da Best of 3 formatynda oinatylady. Týrnir jeńimpazy PGL Major Astana 2025 chempiony atanyp, týrnirdiń bas júldesin alady.
QR Kibersport federatsiiasy habarlamasynda Qazaqstanda PGL týrnirin ótkizý elimizdiń jahandyq kibersport arenasyndaǵy pozitsiiasyn nyǵaitatyny, halyqaralyq qoǵamdastyqtyń nazaryn aýdaratyny, infraqurylymnyń ósýine jáne jergilikti oiynshylar úshin jańa múmkindikter jasaýǵa yqpal ete otyryp, elimizdegi kibersportty damytýdaǵy mańyzdy qadam bolatyny aitylǵan.
