Elorda mańyndaǵy aýyldarǵa sý kire bastady
Komitettiń resmi ókili Rýslan Imanqulovtyń málimetinshe, Túrgen eldi mekeni men 42 razezd stansasynda sýdyń aǵysyn baqylaý úshin jedel posttar qoiyldy. Stansada 10 úidiń aýlasyna sý jaiyldy. Bul jerlerden 22 adam evakýatsiialandy. Aǵyn Astana sý qoimasynan apatty sý jiberýden oryn alǵan. Bógettiń tómengi bóligine qummen toltyrylǵan qaptar qoiyldy. Sondai-aq, Volgodnovka aýylynda Esil ózeniniń deńgeii táýlik boiy baqylanýda.
"13 sáýirde Jaltyrkól aýylynda 44813 áskeri bóliminiń ǵimarattaryn sý basqan bolatyn. Qazir aýyl sýaǵar kanalyn qazý jolymen sýdan tazartylyp jatyr. Jumystar áli jalǵasýda. Al Jibek joly aýylynda turǵyndardy evakýatsiialaý úshin 2 qabyldaý pýnkti ázirlendi. Olar: 400 adamǵa shaqtalǵan Novoaleksandrovka orta mektebi men 2500 adamǵa arnalǵan I.Qutpanuly atyndaǵy orta mektep. Adamdardy tasymaldaý úshin 5 avtobýs daiyn tur. Aýyldaǵy jaǵdai táýlik boiy baqylaýǵa alynǵan. Ásirese, «Bezymiannaia» bógetinde jumystar kúsheitilgen», - dedi Imanqulov.
Osy sebepten, erteń Jibek joly aýylynyń 1-11 synyp oqýshylaryna sabaq ótpeitin boldy.
Atap ótsek, Astana irgesindegi Jibek joly turǵyndarynyń habarlaýynsha, búgin aýyldyń keibir shaǵyn aýdandaryna sý kire bastaǵan. Atap ótsek, ómiri men baspanasyna alańdaǵan 4 shaǵyn aýdanynyń turǵyndary ózenniń arnasynyn shyǵyp, jaiyla bastaǵanyn aityp, kómek suraýda. Turǵyndar jibergen fotosýretterdi nazarlaryńyzǵa usynamyz.
Qymbat ELTAIQYZY
