Abai oblysynda 10 mln teńgeniń esirtkisi bar qoima anyqtaldy, dep habarlaidy Dalanews.kz.
"Qarasora" jáne "Ýchaske" is-shara barysynda politseiler Semei mańyndaǵy qaraýsyz qalǵan úiden úsh qorap esirtki taýyp aldy. Bul oryndy esirtki satýshylar ýaqytsha qoima retinde paidalanǵan.
Kúdikti buryn sottalǵan 40 jastaǵy semeilik bolyp shyqty. Tárkilengen esirtkiniń jalpy salmaǵy 66 keliden astam keptirilgen marihýana ekeni anyqtaldy. Qara naryqta mundai esirtkiniń quny – shamamen 10 million teńge.
"Esirtki quraldaryn asa iri mólsherde zańsyz saqtaý faktisi boiynsha sotqa deiingi tergep-tekserý bastaldy. Kúdikti ýaqytsha ustaý izoliatoryna qamaldy", – delingen politsiia habarlamasynda.
Tergeý júrgizilip jatyr.
