Astanada Azıadaǵy alǵashqy iri vokaldyq megajoba – Silk Way Star jobasynyń jartylaı fınaly aıaqtaldy. 12 eldiń oryndaýshylaryn biriktirgen jáne álem boıynsha mıllıondaǵan kórermen jınaǵan bul mýzykalyq shoýdyń 9-shy epızody maýsymdaǵy eń shıeleniske toly ári áserli shyǵarylymdardyń biri boldy, dep habarlaıdy Dalanews.kz
Fınalda – Azıanyń eń myqty 7 ánshisi
Jartylaı fınal qorytyndysy boıynsha aqtyqkezeńge mynalar ótti:
Halyqaralyq qazylar alqasynyń aıtýynsha, sońǵy epızod aldyndaǵy shyǵarylym eń kúrdeli kezeń boldy: qatysýshylar alǵash ret qazaqstandyq 6eluchchi, A.Z., Marjan Arapbaeva jáne Mona Songz sekildi ártistermen birge dýet oryndady. Bul olardyń vokalyn jańa stılde tanytýǵa múmkindik berdi.
Jartylaı fınalıster ózderiniń avtorlyq ánderin, ulttyq týyndylaryn jáne óz elderiniń hıtterin oryndap, halyqaralyq deńgeıge laıyq sheberlikterin kórsetti.
Buryn-sońdy bolmaǵan geografıa
Silk Way Star – aýqymy jaǵynan mundaı aýqymdy deńgeıdegi ártisterdi biriktirgen Ortalyq Azıadaǵy alǵashqy vokaldyq joba.
Baıqaýǵa Ázerbaıjan, Armenıa, Grýzıa, Qazaqstan, Qytaı, Qyrǵyzstan, Malaızıa, Mońǵolıa, Tájikstan, Túrikmenstan, Ózbekstan jáne Ońtústik Koreıa elderdiń oryndaýshylary qatysyp jatyr. Olardyń barlyǵy – halyqaralyq baıqaýlardyń jeńimpazdary, tanymal ártister jáne óz mýzykalyq mektepteriniń jarqyn ókilderi.
Alǵashqy epızodtardan bastap-aq joba aımaq elderi arasyndaǵy shyǵarmashylyq almasýǵa arnalǵan biregeı keńistik qalyptastyratyn iri kros-mádenı medıaónimge aınaldy.
Buǵan qosa, Silk Way Star sońǵy jyldardaǵy eń aýqymdy mýzykalyq jobalardyń birine aınaldy. Qatysýshy elderdegi jáne halyqaralyq telearnalardaǵy translásıalardyń jıyntyq aýdıtorıasy 1 mlrd kórermennen asady. Mundaı qamtý jobany Ortalyq Azıanyń jańa mádenı brendine aınaldyryp, tutas aımaqtyń mýzykasyna qyzyǵýshylyqty arttyra túsedi.
Bakýden Ulanbatyrǵa deıin sozylǵankórermender keńistigi
Silk Way Star jobasy alty memlekettiń telearnalarynan kórsetildi. Olar:
Qazaqstandaǵy epızodtar ár senbi saıyn 20:00-de Jibek Joly arnasynda jáne 22:30-da halyqaralyq Silk Way arnasynda kórsetiledi.
Joba qazirdiń ózinde aımaqtyń dástúrleri, tilderi men shyǵarmashylyq mektepterin biriktiretin jańa mádenı dıplomatıa quraly atandy.
Fınaldyq epızod 22 qarashada saǵat 20:00-de Jibek Joly telearnasynda tikeleı efırde kórsetiledi. Translásıalar bir ýaqytta Qazaqstan, Ázerbaıjan, Tájikstan, Qyrǵyzstan jáne Mońǵolıada ótedi.
Alǵashqy azıalyq megajobanyń jeńimpazy aralas júıe boıynsha anyqtalady:
50% – qazylar sheshimi, 50% – onlaın daýys berý.
Árbir kórermen silkwaystar.org saıtynda óziniń súıikti qatysýshysyn qoldaı alady.
Silk Way Star jobasy Qazaqstan Respýblıkasy Prezıdenti Teleradıokesheni men Qytaıdyń China Media Group (CMG) medıa korporasıasy arasyndaǵy kelisim aıasynda júzege asyrylyp keledi.
