Astanadaǵy ShQO kúnderi aiasynda ótken kórme barysynda elordalyqtar Shyǵys Qazaqstanda óndirilgen ónimder men qurastyrylǵan tehnikalarmen tanysty.
«Kórme» ortalyǵynda ótken kórme barysynda kelýshiler táýelsiz 25 jylda Shyǵys Qazaqstan oblysynyń túrli salada jetken jetistikteri jaily baiandaityn birqatar ónimderdi tamashalady. Eki kúnge jalǵasatyn kórmenibúgin Astana qalasynyń ákimi Áset Isekeshev ShQO basshysy Danial Ahmetovpen aralap kórdi.
Kórmege qoiylǵan innovatsiialyq jobalar arasynan Qazaqstanda qurastyrylǵan alǵashqy elektrkóligin, IT-kiiz úidi, meditsina salasyndaǵy jańa jobalardy kezdestirýge bolady. Budan bólek, kórme qonaqtary EKSPO-2017 kórmesinde halyqqa qyzmet kórsetetin taksi kólikterimen tanysty. Barlyq standarttarǵa sai qurastyrylǵan taksi kólikteri jolaýshylarǵa qajetti jabdyqtarmen jabdyqtalǵan.
- Qazirde Shyǵys Qazaqstanda álemdik standarttarǵa sai keletin kólikter qurastyrylýda. Olardyń qatarynda reseilik kóliktermen qatar, koreialyq, chehiialyq, amerikalyq kólikter bar. Elbasynyń tapsyrmasy boiynsha kólikterdiń sapasyn jaqsartyp, básekege qabilettiligin arttyryp, álemdik kólik óndirisiniń qatarynan kórinýdi josparlaýdamyz. Sondai-aq, ekonomikanyń innovatsiialyq damýyna septigin tigizetin taǵy 5 kúrdeli ǵylymi joba qolǵa alynyp otyr, – dedi ShQO ákimi Danial Ahmetov.
Aita ketsek, búgingi kúni «Aziia Avto Qazaqstan» kompaniiasy avtokólikterdiń 32 túrin shyǵaryp keledi. Ótken jyldarmen salystyrǵanda óndiris kólemi 10,12 paiyzdan 20 paiyzǵa ósken. Eldiń barlyq qalalarynda kompaniianyń filialdary jumys isteýde
