«Ekinshi múmkindik». Almaty oblysynda buryn sottalǵandarǵa 3 mln teńgeden grant beriledi
Jaza basyp, ómirde júrisinen jańylysqandar, temir torǵa toǵytylyp, qylmystyń óteýin ótegenderdiń bostandyqtan keiingi ómiri ádette bulyńǵyr bolyp jatatyny jasyryn emes. Túrmede otyryp shyqqandardyń ómirge beiimdelip ketýi óte qiyn. Osy rette Almaty oblysynda túrmede jazasyn ótep shyqqandarǵa óz isin bastaýǵa múmkindik beretin arnaiy joba iske qosyldy, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Ómir aǵysyn ózgertken bul adamdarǵa joba aiasynda áleýmettik baǵyttaǵy biznes jobalardy iske asyrýǵa 3 000 000 teńge somasyna shaǵyn grant beriledi.
Basty talap, qatysýshylar biznes-josparlaryn qorǵaýy kerek. Aita keteiik, kelip túsken ótinishter ishinen tek 10 joba ǵana irikteýden ótedi.
Buryn sottalǵandar men probatsiia qyzmetinde esepte turǵan adamdar qatarynan 50-i ǵana áleýmettendirý jáne eńbekke beiimdeý qyzmetterin alady.
Qaperińizde bolsyn, alaiaqtyq jasaǵany úshin sottalǵan adamdar jobaǵa qatysa almaidy.
