Astana, Almaty jáne Shymkent qalalarynda júzege asyrylyp jatqan jumys isteıtin jastarǵa arnalǵan turǵyn úı baǵdarlamasynyń alǵashqy kezeńi aıaqtalýǵa jaqyn. Bıyl jalǵa berilgen páterlerde turyp jatqan 2 000-nan astam jastyń bes jyldyq jaldaý merzimi aıaqtalady.

Baǵdarlama jastar úshin úlken múmkindikke aınaldy: olar tómen baǵamen páter jaldap, osy ýaqyt ishinde óz baspanasyna bastapqy jarna jınaı alady.

Ásirese áleýmettik osal sanattaǵy jastarǵa qoldaý kórsetý maqsatynda, óńirlik deńgeıde jeńildetilgen ıpotekalyq baǵdarlamalar aıasynda arnaıy kvota bólindi.

«Otbasy bank» arqyly usynylatyn jeńildetilgen nesıe sharttary tómendegideı:

Bastapqy jarna: 10%

Jyldyq mólsherleme: 5%

Eń joǵary soma: 20 mln teńgege deıin

Nesıelendirý merzimi: 19 jylǵa deıin

Búgingi kúnge deıin 1 873 jas «Otbasy bank» fılıaldaryna jeńildetilgen ıpoteka alý úshin ótinish berip úlgerdi. Bul jalpy qatysýshylar sanynyń 75%-yn quraıdy.

Qala boıynsha statısıka:

Astana: 677 ótinish

Almaty: 708 ótinish

Shymkent: 488 ótinish

Osy qatysýshylardyń ishinde:

262 adam qazirdiń ózinde baspana ıesi atandy (Astanada – 231, Almatyda – 31)

316 jas ózine qolaıly turǵyn úı izdep jatyr

Ótinish qabyldaý jalǵasyp jatyr.