Jambyl oblysynda – jantúrshigerlik jol apaty. Bir-birine soǵylǵan kólikterden órt shyǵyp, eki adam ajal qushty. Jalynǵa oranǵan «Aýdıdan» syrtqa shyǵa almaǵan júrgizýshi men jolaýshy salonda tirideı janyp ketken, – dep habarlaıdy KTK arnasy.

Qaıǵyly jaǵdaı Jýaly aýdany mańynda bolǵan. «ZIL» men «Aýdı» bir-birine soǵylǵan. Boljam boıynsha, júk mashınasy ruqsat etilmegen jerden burylyp ketip, jeńil kólik onyń búıirinen urǵan.

Birden órt shyǵyp, «Aýdıdiń» júrgizýshisi men bir jolaýshy syrtqa shyǵa almaı salonda qalyp ajal qushqan.

Tilsiz jaý eki tehnıkanyń da túgin qaldyramady. Tek qańqasy qalǵan. Júk mashınasynyń júrgizýshisi men jolaýshysy túrli dene jaraqatymen aýrýhanaǵa jetkizilgen. Qazir osy jol apatynyń sebebin anyqtaý úshin tergeý júrip jatyr.