Vashıngtonda Beıbitshilik keńesiniń ınaýgýrasıalyq otyrysy ótti. Jıynǵa Qazaqstan Prezıdenti Qasym-Jomart Toqaev qatysty, dep habarlaıdy Dalanews.kz Aqordaǵa silteme jasap.
Otyrysta sóz sóılegen AQSH Prezıdenti Donald Tramp alǵashqy jıynǵa qatysýshylarǵa turaqtylyqty qamtamasyz etý jáne Gazany qalpyna keltirý isindegi ujymdyq kúsh-jigeri úshin alǵys bildirdi. Memleketter basshylaryn tanystyra otyryp, ol Qazaqstandy «keremet ári baı el» dep atap ótti.
Sonymen qatar, AQSH kóshbasshysy Samıtke qatysýshy elder basshylaryn jahandyq deńgeıdegi naǵyz lıderler retinde sıpattap, olardyń batyl sheshimderi halyqaralyq dıalog pen beıbitshilikti nyǵaıtýǵa eleýli úles qosyp otyrǵanyn aıtty.
Eske salaıyq, qańtar aıynda Qasym-Jomart Toqaev Donald Tramp bastamasymen qurylǵan Beıbitshilik keńesiniń jarǵysyna qol qoıǵan bolatyn. Buǵan deıin Qazaqstan Prezıdenti Keńes quramyna kirýge resmı shaqyrtý alǵan edi. Qazaqstanǵa quryltaıshy memleketterdiń biri bolý usynylǵan.
Vashıngtonnyń bastamasymen qurylǵan Beıbitshilik keńesi Gazadaǵy beıbit damýǵa qatysty mindettemelerdiń oryndalýyn qadaǵalap, halyqaralyq resýrstardy jumyldyrý jáne strategıalyq baqylaý júrgizýmen aınalyspaq.
