El Prezidenti Qasym-Jomart Toqaev elimizdiń jýrnalistika jáne televiziia salasynyń damýyna eleýli úles qosqan bir top azamatty memlekettik nagradalarmen marapattady. Bul týraly Aqordanyń baspasóz qyzmeti málim etti, dep habarlaidy Dalanews.kz.
28 maýsym – Buqaralyq aqparat quraldarynyń qyzmetkerleri kúnine orai Aqordada saltanatty jiyn ótti. Oǵan respýblikalyq aqparat quraldary ǵana emes, óńirlerdegi jetekshi telearnalardyń, gazet-jýrnaldardyń, aqparattyq resýrstardyń ókilderi qatysty. Atap óterligi, marapattalǵan jýrnalisterdiń qatarynda áriptesimiz – "Altai-News" media-ortalyǵynyń prodiýseri, Shyǵys Qazaqstan oblysyndaǵy DIDAR gazetiniń bas redaktory Serik Qumarǵaliuly Ábilhan da bar. Ol "Eren eńbegi úshin" medalimen nagradtaldy.
