Dári-dármek baǵasyn retteý zaman talaby
Dóńgelek ústelge QR Indýstriia jáne damý minsitrliginiń, QR DSM Farmatsiia komitetiniń, Dárilik quraldardy saraptaý ulttyq ortalyǵy, Respýblikalyq densaýlyq damytý ortalyǵy, «SK-Farmatsiia», «Atameken» UKP ókilderi jáne otandyq jáne sheteldik farmatsevtikalyq óndirýshiler men farmatsevtikalyq ónimder distribiýtorlaýshylar kompaniialardyń ókilderiqatysty.
Óziniń kirispe sózinde Aleksei Tsoi dári-dármekterdiń baǵasyn retteýdiń ýaqyt talaby ekenin atap ótti.
– Dári-dármektiń baǵalaryn retteitin jańa zań áleýmettik mańyzy bar taýarǵa jatatyn dárilik preparattarlardyń alyp-satarlardyń paida kózine ainaldyrmaýyna jol ashady, – dedi vitse-ministr.
Budan keiin Qazaqstandaǵy dári-dármek preparattary men meditsinalyq buiymdardyń baǵalaryn retteýdiń negizgi aspektileri men perspektivalary jaiynda Dárilik quraldardy saraptaý ulttyq ortalyǵy bas direktorynyń birinshi orynbasary Ainur Nurtaeva baiandap berdi.
Onyń aitýynsha, dári-dármekter men meditsinalyq buiymdardyń baǵalaryn qalyptastyrýdaǵy josparlanyp otyrǵan ózgerister baǵany retteýdiń 4 deńgeiin kózdeidi – óndirýshi, kóterme saýda, bólshek saýda, sondai-aq TMKKK sheńberinde jáne MÁMS júiesinde satyp alý deńgeileri.
– Baǵa belgileýdegi qalyptasqan tájiribeni eskerip, referenttik elderdiń tizimi olardyń makroekonomikalyq kórsetkishteri boiynsha Qazaqstanmen salystyra otyryp, qaita qaraldy. Óitkeni aldyńǵy tizimge AQSh, Ulybritaniia syndy damyǵan elder ense, odan keiingi orynda Qazaqstanmen salystyrýǵa kelmeitin elder kirgen, – dep atap ótti Ainur Nurtaev.
Ol sondai-aq óndirýshiniń baǵasyn tirkeý referenttik elderdiń tutynýshylyq oramynyń baǵasy negizinde júrgiziletinin de túsindirdi. Jańa zańda ústeme baǵanyń regressivtik shkalasy arqyly dárilik preparattardy kóterme jáne bólshektep satý marjasy retteý de kózdelgen.
Talqylaý barysynda baǵa belgileýdiń jańa qaǵidalary sheńberinde dári-dármek zattary men meditsinalyq buiymdar baǵasynyń negizdiligine ekonomikalyq saraptama júrgizýdiń kúsheitiletini atap ótildi. Dári-dármekter men meditsinalyq buiymdardyń tirkelgen jáne shekti baǵalarynyń tizilimi ázirleý barysynda farmatsevtikalyq ónimderdiń baǵalary týraly aqparat barlyq múddeli tulǵalarǵa qoljetimdi bolady.
QR DSM baspasóz qyzmeti
