1890-ynshy jyly qalanǵan Chıkago Ýnıversıteti álemdegi eń jetik JOO-nyń biri bolyp tabylady. Ýnıversıtet QS 2024 reıtingisi boıynsha álemde 11 orynda tursa, AQSH-ta úzdik bestikke kiredi. Oqý ornynyń tarıhynda profesorlary men túlekteri jalpy 99 Nobel syılyǵyn utyp alǵan. Olardyń 16-sy ekonomıka salasynan, bul álemdegi eń úlken kórsetkish. Sonymen qatar, ýnıversıtet «quqyq», «saıası ǵylym», «sosıologıa men fızıka» salalaryn oqytýda aldyńǵy qatarda tur. Bul jerge jyl saıyn ár 100 úmitkerdiń tek 6 qabyldanady.
– Men bul oqý ornyn eń aldymen onyń erekshe Core Curriculum oqý baǵdarlamasy úshin tańdadym. Stýdenter ýnıversıtette tańdaǵan mamandyǵymen qatar Arts, Humanities, Social Sciences jáne STEM salalaryn da qosymsha qamtıdy. Bul jalpy biliktilikti arttyryp qana qoımaı, jumysqa turýda da básekelestik artyqshylyq beredi,– dedi bıylǵy jylǵy túlekter qataryndaǵy zıatker.
Shynymdy aıtsam bul jerge túskenime áli sene alar emespin. Jarty jyldan soń AQSH-ta oqıtynym bir jaǵynan qorqytarlyq oı, degenmen oǵan da daıynmyn. Mekteptiń bergen bilimine, muǵalimderge alǵysym sheksiz,- dep aǵynan jaryldy Ilás, Zıatkerlik mekteptiń betke ustar oqýshylarynyń biri, ózin-ózi basqarý uıymynyń 2023 jylǵy premer-mınıstri, kóptegen iri sharalardyń basynda turǵan mektep kóshbasshysy.
