Chevron Direct Investment Fund jeke kompaniiasy óz qyzmetin 2021 jylǵy 11 qazanda QR Energetika ministrligi men «Shevron» kompaniiasy arasynda 248,5 mln AQSh dollary somasynda investitsiia quiý qoryn qurý týraly Ózara túsinistik týraly memorandýmǵa sáikes júzege asyrady.
Qurylǵan kompaniianyń missiiasy aqparattyq jáne tsifrlyq tehnologiialar, qorshaǵan ortany qorǵaý, munai-gaz salasyna taýar óndirý jáne qyzmet kórsetý siiaqty ártúrli salalardaǵy jergilikti kommertsiialyq kásiporyndarǵa investitsiia salý arqyly Qazaqstan ekonomikasyna qoldaý kórsetý.
Kompaniia jańa jumys oryndaryn ashý, kásiporyndardy damytý, tájiribe men tehnologiiany almasý arqyly jergilikti qamtýǵa investitsiia quiýdy josparlap otyr.
«Shevron» kompaniiasy Eýraziia bólimshesiniń Qarjy jónindegi bas menedjeri Deimon Tornbergtiń aitýynsha, kompaniia Qazaqstanda qolaily ekonomikalyq kiristilik, el ekonomikasyna oń áser etý, jobalardyń Qazaqstannyń startegiialyq josparlaryna jáne «Shevron» kompaniiasynyń kommertsiialyq jáne tehnikalyq talaptaryna sáikestigi siiaqty negizgi kórsetkishterge sai keletin tartymdy jobalardy investitsiia quiý úshin qarastyryp jatyr.
2021 jylǵy jeltoqsannan bastap kompaniianyń investitsiialyq jobalardy qarjylandyrýǵa ótinishterdi qabyldaityn www.cdif.kz saity jumys isteidi.
