Óńirlerde orman órtine qarsy qaýipsizdik sharalary kúsheitiledi. Bul týraly Úkimet otyrysynda ekologiia jáne tabiǵi resýrstar ministri Erlan Nysanbaev baiandady. Osyǵan bailanysty vedomstvo basshysy óńir ákimderin ormandardaǵy órt qaýipsizdigin saqtaýǵa muqiiat nazar aýdarýǵa shaqyrdy, – dep habarlaidy Dalanews.kz.
Onyń málimetinshe, jyl basynan beri elimizdiń memlekettik orman qory aýmaǵynda jalpy aýdany 4402 ga bolatyn 25 orman órti tirkelgen.
«Oblys ákimdikteri dala órtteriniń aldyn alý jáne joiý, orman sharýashylyqtarynyń kúshteri men quraldaryn tolyq jaýyngerlik ázirlikke keltirý jóninde jan-jaqty sharalar qabyldaýy qajet.
Qazgidromettiń boljamy boiynsha biylǵy jaz óte ystyq bolady. Oblys ákimdikteri ormandarda órt qaýipsizdigin saqtaý boiynsha barlyq sharany qabyldaýy qajet», - dep atap ótti Erlan Nysanbaev.Tótenshe jaǵdailar ministrligi Ekologiia ministrligimen birlese otyryp, vedomstvoaralyq jospardy bekitken, tabiǵi órtterge, onyń ishinde shekaralas memlekettermen áreket etý algoritmderi túzetilgen. Bul týraly Úkimet otyrysynda tótenshe jaǵdailar vitse-ministri Kegen Tursynbaev málimdedi.
"Ákimdikterge órttiń qaýipti kezeńine daiyndyq jetkiliksizdigi týraly 700-den asa eskertý berildi. Sonymen qatar, Qazgidromettiń boljamyna sáikes jaz qurǵaq bolady dep boljanyp otyr, sol arqyly órt qaýiptiliginiń joǵary qaýpi saqtalady", - dedi TJM ókili.
Qazir QR TJM Komandalyq ortalyǵynda táýlik boiy jedel top jumys isteidi. «Orman» jáne «Tabiǵat» aqparattyq júieleri, orman sharýashylyqtarynyń beinebaqylaý derekteri, kosmomonitoring jáne TJ geoaqparattyq júiesi arqyly órt jaǵdaiyna monitoring júrgiziledi.
