Tilshilerdi bastap júrgen aýdan basshysy E.Aitahanov aldymen jańadan boi kóterip jatqan sport kesheniniń qurylys jumystarymen tanysýǵa shaqyrdy. Zamanaýi úlgide salynyp jatqan keshende dziýdo, sambo, qazaq kúresiniń kilemderi men voleibol, fýtbol, basketbol alańdary bolady. Aǵymdaǵy jyly paidalanýǵa beriletin jobanyń quny 293 544 160 teńgeni quraidy.
Sondai-aq, eldimekenderge tabiǵi gaz tartý úshin júrgilizip otyrǵan qurylys jumystary da otyrarlyqtardyń kóz qýanyshyna ainalyp otyr. Sebebi, tarihta alǵash ret aýdan turǵyndary kógildir otynǵa qol jetkizetin bolady. Mamandardyń sózinshe, Sháýildir, Temir aýyldary biyl qatty otyn jaǵýdan qutylady. Bul jumystarǵa oblystyq biýdjetten 1 mlrd. 558 mln teńge qarjy qaralǵan.
– Jalpy 2014-2016 jyldary 4 mlrd. 181 mln. teńgege aýdandy tabiǵi gazben qamtý jumystary júrgiziledi dep josparlanǵan. Búginde 51,4 shaqyrym magistarldyq gaz qubyryn júrgizý jáne AGTS qurylysyn salý jumystary aiaqtalǵan. Aýdan kólemindegi bir-birine jáne Sháýildirge jaqyn ornalasqan 22 eldimekenge gaz júiesin júrgizý úshin jobalyq smetalyq qujattaryn daiyndaýǵa biýdjetten qarjy bólingen. Eger joba tolyǵymen iske assa, aýdan halqynyń 71 paiyzy kógildir otynmen qamtylatyn bolady, – dedi Erlan Qýanyshuly.
Buǵan deiin Shymkent nemese Túrkistan qalasyna sabylatyn naýqastar endi óz aýylymyzda da emdele berýge múmkindik týdy dep qýanyp otyr. Ásirese, qyzmet qunynyń qaltaǵa qonymdylyǵy kóńil qýantady deidi.
OQO ákiminiń baspasóz qyzmeti
https://dalanews.kz/17925
