Óńirde tórt túliktiń jyl saiynǵy ósimi 3-4% bolatynyn jáne mal baǵý erekshelikterin eskerip, Jetisý oblysynda 2023-2024 jyldarǵa 1 mln 983 myń tonna jem-shóp qoryn daiyndaý josparlandy.
Qazirgi ýaqytta 1 mln 438 myń tonna jem-shóp daiyndaldy, sonyń 1020,8 myń tonnasy shóp (82,5%), 107,9 myń tonnasy pishendeme (92,5%), saban 152,3 myń tonna (82,5%), 148,8 myń tonnasy jem (61,5%).
Oblystyq aýyl sharýashylyǵy basqarmasynyń derekterine súiensek, óńirdegi aýyl sharýashylyǵy taýar óndirýshilerin qoldaý maqsatynda 2022 jyly satyp alynǵan jem-shópke biyl 2,4 mlrd teńge sýbsidiia tólengen. Al jalpy 2022-2023 jyldary bul maqsatqa 4,1 mlrd teńge sýbsidiia tólendi.
Mal azyǵyn jinaityn tehnikany lizingke alý boiynsha «Qazagroqarjy» AQ oblystyq filialyna 87,2 mln teńgege 7 ótinim túsip, búgingi kúnge 4 birlik arnaiy tehnika alýǵa 2 ótinim boiynsha kelisim-shart jasaldy, qalǵan 5 ótinim qaralyp jatyr.
Oblysta mal azyǵyn jinaýǵa 2397 tehnika jumyldyrylǵan. Bul rette sharýashylyqtar shóp shabatyn mashina, shóp tyrmalary, pishen presi siiaqty qajetti tehnikalardy qoldanýda.
