Búginde Vakeń YouTube arnasynda toqtamai qozǵaityn birneshe súiikti taqyryptary bar.
Eń birinshisi ýtil alym máselesi. Ol bul taqyrypty óziniń múddeles sarapshysy kezinde Dariǵa Nazarbaevanyń jubaiy Qairat Sháripbaevtyń oń qoly bolǵan Sanjar Boqaevpen jii qaýzaitynyn bárimiz bilemiz.
Ekinshisi taqyryp, Ýkrainadaǵy soǵys, qazaqtardyń gýmanitarlyq qor quryp, aqsha jinaý jáne ol qordaǵy biraz aqshanyń qoldy bolýyna qatysty máseleni de Boreiko jii kóteredi.
Al sońǵy úshinshi taqyryp – Qazaqstanda AES salýǵa qatysty másele. Vekeń bul taqyrypty sóz qylǵanda AES salýdy toqtatý máselesin kóterip, faktilerdi manipýliatsiialaityn kezderi bolady. Iaǵni, Boreiko AES-tiń áńgime qylǵanda Qazaqstannyń Reseige qosylýy týrasyndaǵy qulaqqa kirmeitin gipetozany ezbelep, halyq arasynda beibit atomnan qorqý sezimin qozdyrýǵa qumar.
Vadim Boreiko AES taqyrybyn qozǵaǵanda suhbatyna AES salýdy asa qoldamaityn – kópshilikke áńgimesi ótimdi Muhtar Jákishevti paidalanǵandy jón kóredi. Sonymen qatar, arasynda qazaq qoǵamynda «grant alýshy» retinde tanymal sarapshy Dimash Áljanovqada jii sóz beredi.
Aitpaqshy, Vakeń ýtil alym jaiynda sóz qylǵanda elimizde kólik qurastyrý, satý isimen ainalysyp júrgen kásipkerlerdi syqpyrta synyp, al bul saladaǵy iri oiynshy Nurlan Smaǵulovty ainalyp ótetini qyzyq.
Eger ýtil alym máselesimen tanymal bolǵan Sanjar Boqaevqa Nurlan Smaǵulov jaiynda suraq qoisa, Boqaev Smaǵulovqa qatysty biraz dúnieniń qoiasyn aqtaryp, áńgime aitatyna senimdimiz.
Biraq Vadim Boreikonyń bul iske Smaǵulovty aralastyryǵysy joq. Osydan-aq Boreikony ýtil alymdy sóz qylýy oiyn ekenin ańǵarýǵa bolady. Áitpese avtoindýstriiasyn qalyptastyrýda memleketten ózgelermen birdei sýbsidiia alyp otyrǵan Smaǵulovty qalai ainalyp ótýge bolady?
Sóz sońynda áriptesimiz Vakeńe aqparattyq gigienany saqtai otyryp, kontent óndirýge keńes beremiz. Taiaqty eki ushy bolatynyn árkez jadynan shyǵarmasa jaqsy bolar edi.
