Qor direktory Marat Aitmaǵambetov sý tasqynynan zardap shekken Qazaqstan turǵyndaryna kómek kórsetý maqsatynda 680 million teńge bólingenin málimdedi, dep habarlaidy Dalanews.kz.
"Sońǵy kúnderi milliondaǵan otandasymyz siiaqty biz de úi-múlkinen aiyrylyp, sý tasqynynan zardap shekken óńirlerdiń turǵyndaryna janashyrlyq sezimin bildirýdemiz. Bul qarajat birinshi kezektegi qajetti zattaryn satyp alýǵa múmkindik beredi degen úmittemiz. Qiyn kúnderden aman ótińizder", - dedi Marat Aitmaǵambetov.
Eske salaiyq, Bolat Ótemuratovtyń qory tabiǵi jáne tehnogendik sipattaǵy tótenshe jaǵdailardan zardap shekken qazaqstandyqtarǵa júieli túrde kómek kórsetedi. 2018 jyldan beri qor Qyzyl Jarty Ai jáne ForteBank-pen birlesip, sý tasqynynan zardap shekkenderge ataýly qarjylai kómek kórsetip keledi. 6 jyl ishinde Help Card jobasy aiasynda 16,4 myńnan astam qazaqstandyqqa qarjylai qoldaý kórsetildi. Joba aiasynda kórsetilgen kómektiń jalpy somasy 1,1 milliard teńgeden asady.
