On kún boiy almatylyq jasóspirimder ásem shatqalda demalyp qana qoimai, kóshbasshylyq negizderin úirenip, ózderiniń áleýetterin arttyrdy. Olarǵa belgili psiholog, teatr akterleri, rejisser, fotograf jáne dizainerler qatarynan quralǵan tájiribeli trenerler men tárbieshiler kómektesti. Tálimgerlerdiń osyndai áralýan quramy aýysym qatysýshylaryna tulǵalyq úilesimdiligine tiimdi áser etetin bilim men mashyqtar alýǵa septigin tigizdi.
«Bilim – Orta Aziia» bilim berý ortalyǵynyń basshysy Larisa Gorbýnova:
«Biyl lagerde biz ishki jandúnieni tanýǵa, shyǵarmashylyq áleýetti damytýǵa, qurby-qurdastarmen qarym-qatynas qurý daǵdylaryn jaqsartýǵa basa nazar aýdardyq. Bul mektep oqýshylaryna kásibi baǵdar berýde óte mańyzdy. Tiimdi oqytý qaǵidasyn birneshe jyl boiy iske asyryp kelemiz», – deidi.
Aýysym baǵdarlamasynyń «oqýdan tys» bóligi óte qyzyqty jáne tanymdy sabaqtardan turdy. Kez kelgen lager úshin dástúrli bolǵan oiyndarmen, úiirmelermen, sporttyq jarystarmen qatar jasóspirimder stsenarii jazýdy, óz spektaklderin qoiýdy úirendi, art-jobalardy qurý negizderimen tanysty, oiyn jáne teatr tehnikalaryn úirendi. Qatysýshylar komandalary tańdaǵan ózderi úshin mańyzdy taqyrypta «Bári qolyńnan keledi, eń bastysy sony qalaý!» degen uranmen beinebaiandar oilastyryp túsirý múmkindigine ie boldy.
Joba aiasynda talantty oqýshylar kórermenderge dostyq, mamandyq tańdaý, óz oiyńdy jetkizý syndy taqyryptarǵa túsirgen beine rolikterin usyndy.
Sonymen qatar stsenariiin ózderi jazǵan taqyryptyq spektaklderin qoidy. Oqýshylardyń oilaý qabileti men jyldam sheshim qabyldaýyna baǵyttalǵan joba áli de jalǵasady. Jobaǵa qatysqan árbir oqýshy uiymdastyrýshylar tarapynan berilgen diplomdarmen marapattaldy.
