Stepnogorsk qalasyndaǵy qylmystyq-atqarý júiesi mekemeleriniń qaýipsizdigin kúsheitý úshin qosymsha qarjy bólindi. Onyń aiasynda Qýandyq Bishimbaev jazasyn ótep jatqan №5 mekemege de jańa baqylaý júiesi ornatylǵan, dep habarlaidy dalanews.kz.
Bas prokýratýranyń málimetinshe, biyl Stepnogorsk qalasynyń prokýratýrasy jergilikti biýdjetten qylmystyq-atqarý júiesi nysandarynyń materialdyq-tehnikalyq bazasyn nyǵaitýǵa qarajat bólý máselesin sheshken.
Sonyń nátijesinde №5 mekemede kirý jáne shyǵýdy baqylaýǵa arnalǵan zamanaýi beinedomofon júiesi iske qosyldy.
Jańa tártipke sáikes, sottalǵan adam belgili bir aýmaqtan shyǵýy qajet bolsa, arnaiy shaqyrý batyrmasyn basady. Odan keiin kezekshi bólim qyzmetkeri beinebailanys arqyly onyń jeke basyn anyqtap, shyǵý sebebin naqtylaidy.
Ruqsat berilgen jaǵdaida ǵana esik ashylady. Sottalǵan adam ótip bolǵannan keiin esik avtomatty túrde jabylady.
"Bul júie sottalǵandardyń baqylaýsyz júrýine jol bermeýge, ótkizý rejimin kúsheitýge jáne qyzmetkerler men nysannyń jalpy qaýipsizdik deńgeiin arttyrýǵa múmkindik beredi", – dep habarlady vedomstvo.
Qýandyq Bishimbaev qazirgi ýaqytta Stepnogorsk qalasyndaǵy №5 mekemede jazasyn ótep jatyr.
