Birneshe vedomstvo milliondaǵan biýdjet aqshasyna qymbat kólikter satyp alǵan, dep habarlaidy Dalanews.kz.
Qazaqstandyqtarǵa «kórpege qarai kósiletin ýaqyt keldi» dep aityldy. Biraq bul sózdiń tótenshe jaǵdailar qyzmetine qatysy joq sekildi: vedomstvo 127 million teńgeden asa qarjyǵa Tesla Cybertruck satyp alǵan.
Odan bólek, Almaty ákimdigi avtoparkke 700 million teńgege jýyq somaǵa jańa kólikter satyp alǵan (onyń ishinde jeti jol talǵamaityn kólik bar).
Al Astana politsiiasy jalpy quny 176 million teńge bolatyn úsh liýks avtokólik satyp alýdy josparlap otyr. Bul kólikter Cadillac Escalade nemese Chevrolet Tahoe deńgeiindegi mashinalar bolýy múmkin.
Prezident ne dep edi?
Eske salaiyq, byltyr 28 qańtarda memleket basshysy Qasym-Jomart Toqaevtyń tóraǵalyǵymen Úkimettiń keńeitilgen otyrysy ótken bolatyn. Otyrysta prezident orynsyz shyǵyndardy azaitý keregin aitty.
«Men reformalardyń naqty baǵyty men ony júzege asyrý joldary týraly osyǵan deiin de aittym. Úkimet el ekonomikasyn turalap qalýdan saqtap, ornyqty damýdy qamtamasyz etý úshin kúrdeli sheshimder qabyldaýy kerek jáne eń bastysy sol sheshimderdi iske asyrýǵa tiis. Bul – joǵary bilikti ári jaýapkershilik alýǵa daiyn memlekettik qyzmetshilerdiń qolynan keletin jumys. Álemdik tájiribege qarasaq, memlekettik apparattyń tiimdiligi osyndai kúrdeli kezeńderde aiqyn kórinedi.
Úkimet qanshalyqty qiyn bolsa da, jappai únemdeýge kóship, biýdjet qarjysyn tek qana asa ózekti máselelerdi sheshýge jumsaýy kerek. Kórpege qarai kósiletin ýaqyt keldi. Orynsyz shyǵyndy toqtatyp, aiaǵymyzdy tartyp basý qajet», - dedi Toqaev.
