Rýslan Berdenovtiń isi boiynsha aiyptalýshy sotta sońǵy sózin sóiledi, dep habarlaidy Dalanews.kz.
Ernar Jiembai jábirlenýshiden taǵy da keshirim surady.
"Taǵylǵan aiyppen ishinara kelisemin. Alaida bul oqiǵa ózdiginen bolǵan joq dep senimmen aita alamyn. Aqyl-esim saý, bul saraptama nátijelerimen de rastalady. Eshqandai sebepsiz beitanys adamdy qorqytý úshin qarý alyp, atpas edim. Sot protsesinde bergen aiǵaqtarymdy tolyq rastaimyn. Jábirlenýshi Rýslan Arysbekuly Berdenovten bolǵan oqiǵa úshin keshirim suraimyn", - dedi ol.
Buǵan deiingi jaǵdai
Eske salaiyq, buǵan deiin Rýslan Berdenov sotqa kelýge mindettelgeni habarlandy. Sot otyrysynda sýdia Ábinur Qarabaev Rýslan Berdenovti 6 tamyzǵa josparlanǵan negizgi sot protsesine mindetti túrde qatysýǵa shaqyrdy.
Sebebi Rýslan Berdenov aldyn ala tyńdaýǵa ózi kelmegen edi. Onyń ókili Rýslan Berdenov em qabyldap jatqanyn málimdedi.
Ákimdik mańyndaǵy atys týraly
21 sáýirde Shymkent qalasy ákimdigi ǵimaraty mańynda atys boldy. Saldarynan Rýslan Berdenov jaraqat aldy. Artynsha kúdikti ustalyp, ýaqytsha ustaý izoliatoryna qamaldy, bul derek boiynsha qylmystyq is qozǵaldy.
Bul is boiynsha basty kúdikti - Ernar Jiembai. Ashyq formatta ótken aldyn ala tyńdaý kezinde sýdia Jiembaidyń sot protsesi barysynda ózin túsirýge qarsy ekenin jetkizdi.
