Eýropa damý jáne qaita qurý banki "Qazaqstan Temir joly" ulttyq kompaniiasyna "Eýropa men Aziia arasyndaǵy júk tasý joldaryn jetildirýge" 50 milliard teńge investitsiia salady.
Banktiń málimdeýinshe, investitsiia Qazaqstanǵa daǵdarysqa qarsy birqatar shara qabyldaýǵa, júk tranziti operatsiialaryn qaita uiymdastyrýǵa, pandemiia saldaryn joiýǵa jáne geosaiasi ózgeristerge beiimdelýge kómektesedi.
Bul - EDQB-niń Qazaqstan ulttyq valiýtasyndaǵy obligatsiialar túrindegi alǵashqy investitsiiasy.
Málimetterge qaraǵanda, QTJ jańa kapitaldy Transkaspii halyqaradyq kólik jolyndaǵy mańyzdy infraqurylymdardy jetildirýge jumsaýy tiis. Reseidi ainalyp ótetin bul jol Eýropa men Aziia arasyn jalǵaidy.
Buǵan deiin Qytai men Eýropa odaǵy arasyndaǵy júktiń 95 paiyzy Soltústik dáliz arqyly ótip kelgen. Ol Qazaqstan, Resei jáne Belarýs arqyly ótedi.
Endi Eýropa Ortańǵy dáliz arqyly júk tasýǵa múddeli bolyp otyr. Ol Qazaqstan, Ázerbaijan, Grýziia jáne Túrkiia arqyly ótedi.
"Qazaqstan temir joly" ulttyq kompaniiasy 16 myń shaqyrymǵa sozylǵan temir jol jelisine ielik etedi jáne ony basqarady.
